١٠ سبتمبر ٢٠٠٧

رمـــضـــــان كــريــم




كل سنه وكلكم طيبين

ورمضان كريم
انا مش هتكلم عن افضال رمضان ولا الاستعداد للشهر الكريم لان في مدونين ربنا يكرمهم اتكلموا في النقط دي باستفاضه وجزاهم الله كل خير

طبعا رمضان بالنسبه ليا مش هيبدا ولا هحس بيه غير لما اسمع صوت المسحراتي
فعلا رمضان دا كنز ياريت كلنا نقدر نستغله
وياريت كلكم تدعولي في رمضان اوعوا تنسوا تدعولي والدعاء يكون بضمير
يارب كلنا نقدر نستغل الشهر دا كويس

لان بسرعه بيعدي

وفجاه تلاقي المسحراتي ماشي يقول

الوداع الوداع يا شهر الصيام

وتلاقي التليفزيون بيقول

تم البدر بدري والايام بتجري

علي فكره انا جالي فانوس من زمان مش جالي فانوس

كل سنه وانتم طيبين

ورمضان كريم

نتفق بقي
من قبل ما الشهر يبدا انا بفكركم بالعيديه بتاعتي

يعني تبدقوا تحوشوا من دلوقتي قدمكم وقت اهوه ومفيش اعزار
بعد رمضان هاجي اخد العيديه

هناك ٨٢ تعليقًا:

rack-yourminds يقول...

kol sana wenty tayeba

leeky andy aeadea kebeera

fy hefz alllah

max.adams يقول...

كل سنة و انتي طيبه يا بوسي و باذن الله محجوزلك الدعوات من دلوقتي بس أدعيلك باسم بوسي بس ولا بوسي بنت فلان؟؟ أصلي أحب أكون عارف بتكلم عن مين بالضبط . هههههههههههههههههههههه
و فعلا ده أكتر شهر بيجري بس ممكن نستفيد منه اللي ماحدش عمله طول السنة

افتكرت تدعيلي في رمضان و انتي ساجده ده أساس

و العيدية عندي تاج هيطلع من جيوبك

ههههههههههههههههههههه

سلام وكل سنة و انتي طيبه

Bossy يقول...

WAHED

ربنا يرد اللغه العربيه للجهاز بتاعك بخير

كل سنه وانت طيب ورمضان كريم

وموضوع العيديه دا وعد
انا مستنيه العيديه الكبيره من دلوقتي

كل سنه وانت طيب

Bossy يقول...

MAX.ADAMS

كل سنه وانت طيب
ورمضان كريم

ان كان علي اسمي اسمي بوسي الحديدي
ودا الحقيقي يعني ادعي بدا والدعوه هتوصل بس اهم شئ الضمير

بس انا بقي لما ادعيلك وانا ساجده اقول ايه
ياااااااااا
max
ولا اقول ايه

بس ايه حكايه التاج
بس برده مستنياه

كل سنه وانت طيب
وادعي بضميررر

شاب نفسة يحقق حلمة يقول...

كل سنه وانتي طيبه يا قمر
وبالنسبة لموضوع العيدية ده
انا كنت جاي اطلب منك
تقومي انتي اللي تتطلبي
علي العموم ماشي ليكي عندي عدية محدش يعرف يديهالك غيري
خلي الفضول يموتك بقي لحد ميعاد العيدية
تحياتي ليكي

فى القلب يقول...

ده انت ألى هل هلالك يا قمر
أخييييييييييييييييييراً ظهرت
ده لوحده عيد ظهورك يا قمر


كل سنه وأنتى طيب

MAKSOFA يقول...

كل سنه
وانت طيبه

هوندا يقول...

كل سنة وانتى طيبة

مؤمنه يقول...

السلام عليكم ورحمة الله وبركاته
النهارده عيد النهارده عيد
أول مره أشوف العيد بيبدأ قبل رمضان
انا بناشد كل خبراء الفلك ييجوا يشوفوا الظاهره النادر حدوثها دى هنا
وأباى أنا صاحبة الخبر
أخييييييييرا يا بسبوسه نورت المدونه من جديد
ايه يا بنتى دى ما عوتيش تتأخرى كده تانى
نظرنا ضعف من الضلمه
كل سنه وانت طيبه يا بدر
واللهم بلغنا رمضان وتقبله منا مقبولا
والفانوس الله مش عيب يا بوسى
ما خلاص أنا هجيبلك واحد وانت تجيبيلى واحد بس منغير ما حد يعرف التانى عشان تبقى مفاجأه
خودى بالك من السريه مهمة أوى فى الحكايه دى
سلام يا جميل
ونصوم ان شاء الله رمضان مع بعض
وفى الخير دوما نلتقى
دومت بكل خير دوما
والسلام عليكم ورحمة الله وبركاته

زى الهوا يقول...

كل سنة وانتى طيبة , بس مسحراتى ايه دا كان زمان ايام جدو , انا من ساعة لما وعيت على الدنيا ماسمعتش ولا شفت اى مسحراتى , غير راجل كدة غريب بيجى اخر رمضان يقولنا انا المسحراتى وعايز العيدية , ياعم مسحراتى ايه , بيفضل نايم طول الشهر ويجيى يوم الوقفة ياخد العيدية , وبالنسبة لعيديتك بقى فانتى تؤمرى بس هاتيلى فانوس الاول , اما بالنسبة للدعوة فكله هيقول يلا نفسى ومش هنفتكر ندعيلك بس عموما لو افتكرت هتدعيلك ( وش بيطلع لسانه) , كل سنة وانتى طيبة وإن شاء الله هنعرف نستغله

Unknown يقول...

اهو جة يا ولاد
اهو جة يا ولاد

كل سنة وانتى طيبة يا بوسى

وكل المسلمين بخير وسلام


ليا عندك طلب

اصل انا مش لاقى حتة افطر فيها

فى رمضان

متعرفيش عنوان مائدة رحمان

تكون قريبة منى


دة انا غلبان

max.adams يقول...

كده تمام كله تمام يا باشا المكان اتحجز
اللي بعدو............ ههههههههه

وإذا كان عليا أنا أدهم عماد الدين

و التاج ده فكره لأني ما أعتقدش أنك ماديه لدرجة أنك تخليني أصرفلك العيديه بتاعتي دا أنا شويه و هلاقي اللي يقولوا لي العيديه يا عمو

مش فااهم عالشون في واحده اركب مكروباص بيقول الشون و انزل العصاره وامشي لغاية الناصيه هتلاقي نفسك في مائدة الرحمان
يا واد ياغلبان

سلام

Unknown يقول...

كل سنة و انتى طيبة يا حبيبتى و يعود عليكى و علينا بخير ان شاء الله انا سبتلك الفانوس الى طلبتيه فى مدونتى بس معلش غلطت و انا باكتب حروف اسمك ارجوكى ما تزعليش منى

انا كمان ما بحس برمضان الا بصوت محمد رفعت و سيد مكاوى و هو بيغنى المسحراتى و طبعا المعلم الكبير عبد المطلب و تحفته الخالدة رمضان جانا
كل سنة و انت طيب يا جميل و سلميلى على توتو

Unknown يقول...

ابو الفناكيش

المائدة بتاع الشون
دى معليهاش لحمة
دى تبع البغل وكلها فول وطعمية بس
اوعى تروح هناك

انا عاوز مائدة عليها لحمة

وبعدين كدة
شردنا البلد عالنت


سورى يا بوسى

محلاوية بقى

أنا حر يقول...

كل سنة وانت وكل المدونين بالف خير
تحياتي

Bossy يقول...

شاب نفسه يحقق حلمه

طارق باشا حمدلله علي السلامه

كل سنه وانت طيب
ورمضان كريم

انا مستنيه العيديه
وبمناسبه الفضول هو ممكن بجد يقتنلي لاني فضوليه جدا جدا جدا في الاشياء اللي تخصني
المهم اوعي تنسي العيديه
واوعي تنسي تدعيلي

تحياتي

Bossy يقول...

مكان في القلب


ربنا يخليكي يارب

والله كلك زوق
كل سنه وانتي طيبه

ورمضان كريم

اوعي تنسي بقي الدعاء

كل سنه وانتي طيبه

Bossy يقول...

maksofa

كل سنه وانتي طيبه يا قمر

ورمضان كريم

Bossy يقول...

honda


كل سنه وانت طيبه

ورمضان كريم

نورتيني

Bossy يقول...

مؤمنه

ربنا يخليكي ليا يا سلوي

ورمضان كريم

وكل سنه وانتي طيبه
كونك تعترفي باني ظاهره لا تتكرر فانتي معاكي حق في دا
صح يا سوسو
الا قوليلي انت مختيش بالك من موضوع العيديه ولا ايه
هخاد العيديه يعني هخدها وهشهد عليكي المدونون كلهم

كل سنه وانتي طيبه يا اجمل اخت في الدنيا
ربنا ما يحرمني منك ابدا

Bossy يقول...

زي الهوا

ازيك عامله ايه المدونه نورت بوجودك

انتي انضميتي لحركه مؤمنه هاتي وانا اجيبلك يلا من عنيا ابعتلك ميت فانوس مش فانوس واحد يا قمر
وبعدين خدي هنا هتدعيلي يعني هتدعيلي
وبضمير كمان
وش بيشد في شعره

انتي دمك زي العسل
كل سنه وانتي طيبه ورمضان كريم

افتكرت
احنا بقي عندنا اتنين مسحراتي بعدوا كل يوم في رمضان
وصوتهم ماشاء الله بجد جميل وبيقولوا كلام احلي
لاكن اللي عندكم دول نصابين

عندنا مسحراتي وانتوا لاء

كل سنه وانتي طيبه

Bossy يقول...

مش فاهم حاجه

وانت طيب يا مصطفي
ورمضان كريم علينا كلنا

مصطفي انت مش هتديني هعديه ولا ايه
احنا اتفقنا من الاول
الدعاء انتي خلاص قلت هتدعي وبضمير بس العيديه فين
؟؟
وبالنسبه لموضوع المحلاويه
مدام مش لاقي مكان تفطر فيه ويكون فيه لحمه اخطف رجلك عندنا هتلاقي بقي كل ما لذ وطاب
اصل احنا بلد الكره
:)

كل سنه وانت طيب

Bossy يقول...

اللواء ادهم عماد الدين


اسمك راكب علي الشرطه اوي مش اشتغلات والله بس بجد الاسم كده لايق اوي
خلاص كده انا هدعيلك وبضمير برده وكمان في السجود

بس ايه خريطه موائد الرحمن دي وفي الاخر يطلع مفيش فيها لحمه انا حاسه انكم ماشاء الله معلمين علي كل موئد الرحمن
دور بقي علي ماذده تانيه ويكون فيها لحمه
والعيديه مش مششكله انا المفروض ادي عيديه لاولاد اخواتي بس مين انا اللي باخد منهم

مستنيه التاج
كل سنه وانت طيب

Bossy يقول...

عاليا حليم

وانت طيبه يا عاليا
ورمضان كريم

انا اكيد هوصل السلام لتوتو ان شاء الله
بس انا ملاقيتش الفانوس بجد ملقيتوش

كل رمضان وانتي بخير
وكل سنه وانتي طيبه يا عاليا

Bossy يقول...

انا حر

كل سنه وانت طيب

وكل سنه وكلنا طيبين
ورمضان كريم

شبــ اون لاين ـــاب يقول...

boosy

كل سنه وانتى طيبه

دى اول زياره لينا.. مدونتك جميله مووووت

و طريقه كتابتك اروع

و يا ستى متقلقيش ع الدعوات حنقعد ندعيلك ليل مع نهار


و متخفيش ع العيديه...بس متهيألى ان مفيش عيديه حتيجى ع مقامك لان مقامك كبير

تحياتنا

واحد مخه لاسع شويه
باربى
الجوكر

و القادم....أجمل يقول...

كل سنة و إنتي طيبة يا جميلة

بس عيدية ايه

مش انتي اللي كنت موعداني

:(

صحيح انا الاكبر

بس حتمن و لابد

تديني برضوو العيدية

هستناهاااااااا

:D


رمضان كريم يا سكر

إيما يقول...

كل سنة وانتي طيبة وبالف خير يا رب
رمضان كريم عليكي يا بوسي
وربنا يكرمك ويوفقك ويحققلك كل اللي بتتمنيه
كل سنة وانت طيبة
:)

بحاول اكون يقول...

بسبوسة حبيبة قلبي
منورة والله ودايما بتنوري المدونة بتاعتي كل سنة وانتي بالف خير
وانشالله رمضان يعود عليكي وعلينا وعلا الامة الاسلامية بالخير والثواب
اما بخصوص العيدية من عنيا يا قمر من جنية





لجنية وربع
انتي تأمري بس انتي مقامك غالي عندنا اوي
كل سنة وانتي طيبة
رمضان كريم
موني

قطوف يقول...

أول زياره لك
وكل سنه وانت طيبه
وانا هخلى دمياط تدعيلك متخفيش
وان كان على العديه انا دمياطى
يعنى الكرم كله
مستنى زيارتك
ممكن اضيف مدونتك عندى

بتاع العسل يقول...

بعد السلام

كل سنة وانتى طيبة

ودمياط كلها بخير
وباقى المحافظات
عشان محدش يزعل

سلام

مؤمنه يقول...

السلام عليكم ورحمة الله وبركاته
كده يا بوسى طب مش كفايه الفانوس
عيديه كمان فى ظل ارتفاع الاسعار
يالا ما يجراش حاجه
ما تغلاش عليكى يا بسبوسه
بس العين بالعين ولا ايه
وبدون شهادة المدونين كفى بالله شهيدا
دومت بأطيب حال دوما
وتالسلام عليكم ورحمة الله وبركاته

Bossy يقول...

واحد مخه لاسع شويه
باربي
الجوكر

شرفتوني بالزياره

واسعدني وجودكم واطراءكم

وربنا يتقبل منكم الصيام والقيام
والدعوات

كل سنه وانتم طيبين
ورمضان كريم

متنسوش تيجي تزورونا تاني

Bossy يقول...

والقادم اجمل

القمر زارنا

زيارتك دي هي اجمل عيديه
بجد

كل سنه واني طيبه ورمضان كريم

Bossy يقول...

ايما

قد ايه انتي انسانه جميله

ربنا يخليلكي يارب

وربنا يوفقك دايما

وكل سنه وانتي طيبه
ورمضان كريم

Bossy يقول...

موني

بصي بقي انتي لازم تعترفي وتقولي ايه سر اختفاءك
دا

والا هكلم تنظيم القاعده في بلاد الكيت كات
طبعا انتي عارفه ان المنظم الاول ليها مش فاهم حاجه

وكل سنه وانتي طيبه
ورمضان كريم

بوسي

Bossy يقول...

سي السيد

بما انك دمياطي

وانا دمياطيه

يبقي احلي سلام للدمياطه
واكيد كلهم هيدعولي

كل سنه وانت طيب ورمضان كريم


وطبعا اكيد الزياره هتتكرر
ووجودك شئ يشرفني

Bossy يقول...

بتاع العسل

وعليكم السلام


كل سنه وانت طيب ورمضان كريم

وباقي المحافظات علشان محدش يزعل

Bossy يقول...

مؤمنه


كل سنه وانتي طيبه

وكل رمضان وانتي بخير

ويارب اشوفك اسعد انسانه في الدنيا

ويارب نفضل مع بعض علي طول
وانت عديتي
علشان انتيي عارفه بحبك قد ايه ربنا يخليلكي ليا

وكل سنه وانتي طيبه

Hadota ... حدوتة يقول...

كل سنة وانتى طيبة يا بوس بوس يا قمراية

يارب يسعد ايامك

العيدية من عنييينا
نحوش عشان خاطرك يا جميل
دا انتى تؤمرى


جزاكى الله كحل خير على التذكرة بفضل الشهر وحسن استغلاله


تحياتى يا قمر
:)

حياة الأحلام يقول...

السلام عليكم

وأنتى طيبه وبخير يا قمر

ورمضان كريم وكل سنه والكل بألف خير

وربنا يتقبل منا ومنكم صالح الأعمال ويارب كلنا الى الله اقرب ونقول كلنا فى رمضان ده

سأعبدك ياربى كما لم أعبدك من قبل

وربنا يارب يوفقك وتحققى كل حاجه بتحلمى بيها فى الدنيا والآخره ياااارب

وفعلا رمضان شهر العباده بس غير العباده شهر فى حاجات وذكريات حلوه متعلقه معانا فى مصر زى المسحراتى واللمه والفوانيس وكل الحاجات اللى بتحسسنا برمضان بجمال مصر

بلوج جميل

ونورتينى فى البلوج تحياتى

klmat يقول...

بوسى الجميله
كل سنه وانت طيبه
وربنا يرضل عنك
وتكونى راضيه عن نفسك
واحلامك تبقى حقيقه
كلامك جميل واسلوبك
رائع كما عودتنا دايما
تحياتى ودعوات بكل الخير لك

بحاول اكون يقول...

ازيك يا بوسي
وحشاني والله
رمضان كريم يا قمر
والله الغياب ده غصب عني
فيه موضوع شاغلني اوي وبتمنى من ربنا انو يكمله على خير عشان استريح بئه
ادعيلي يا بوسي ربنا يكمله على خير وساعتها هتعرفي كل حاجة
اما بئه بخصوص تنظيم القاعدة فبلاش انا غلبان وكمان المنظم الاول مش فاهم حاجة بجد انا كده يزيدني شرف انك تكلمي تنظيم القاعدة
ربنا يخليكوا ليا
وسلامي لتنظيم القاعدة الاول مش فاهم حاجة
موني

ta5areef يقول...

رمضان كريم
الله اكــــــرم
كل عام وانتم بخير

DoMaLaYs يقول...

شكراً على الموضوع الجميل

و كل سنه و انتي طيبه

و عديتك من غير ما تكلمي موجود

من قرش ل 100 قرش

و مجمد كمان

اسكندراني اوي يقول...

كل سنه وانتي طيبه
رمضاااااااااان كريييييييييم

ياسر مدني ...دينامو الإخوان يقول...

أدعوك للمشاركه في فوازير رمضان اليوميه..وهي عباره عن خلق وصحابي

ولازالت الفرصه موجوده للإجابه علي الأسئله اللي فاتتك

وكل سؤال بيتحط عشر أيام
وأولويه الفوز..للأسبقيه في الحل للإجبات كلها..والإجابه الصحيحه..والتلاتين إجابه

حسام مراد يقول...

كل سنه وانتى الى الله اقرب

و نسأل الله تعالى أن يجلعنا ممن يتقبل صيامهم وصلاتهم وقيامهم على الوجه الذى يرضيه عنا

وان يجعلنا من عتقاء شهر رمضان

اللهم آآميين

ورمضااااااااااااان كريييييييييييييييم

sahr يقول...

كل سنة وانتي طيبة
ورمضان كريم

إنسان || Human يقول...

إخواني المدونين دعوة لأن ترفضوا تلك الإهانات بكل اللغات وخاصة الإنجليزية ..فلنعرف العالم برسولنا ..نعرفة أن حرية الرأي ليس بإهنة الرسل والأنبياء ..دعوه للكتابة من منطلق أن من رأى منكر فليغيره ..وهذا ليس منكر فحسب بل فاجعة ..وكل ما بأيدينا أن نكتب ونكتب ونذكر محاسن رسولنا الكريم والذي شهد له الكون ..وحتى هم شهدوا له بمن فيهم المستشرقون ..؟

عليوه يقول...

كل سنه وانتى طيبه طبعا وبا النسبه للعيديه انا هشوف جمعيه ادخلها علشان لما ترجعى اكون جاهز

قطوف يقول...

ايه الغيبه دى كلها
متحرمناش من موضيعك الجميله
يلا سلاااااااااااااااام

Mustafa Şenalp يقول...

sellamın aleyküm.

ياسر مدني ...دينامو الإخوان يقول...

لصاحب المدونه وكل زواره
أدعوكم لإبداء الرأي والمشاركه في فوازير رمضان الإسلاميه بعنوان خلق وصحابي

مدونه يلا نفضحهم يقول...

تتشرف أدارة مدونة يلا نفضحهم


بحضور كومفرانس لجنة الدفاع عن سجناء الرأى وحقوق الأنسان

يوم السبت الموافق2007/9/29
الساعة 11 مساءا
علي ايميل افضح
efdah@yahoo.com
ونطلب من سيادتكم بتجهيز الأقتراحات للمدونة

وشكرا

بسمه عبدالباسط يقول...

كل سنه وانتى طيبة ورمضان كريم

خيرالدين يقول...

كل عام وانت بخير
رمضان كريم

Unknown يقول...

الغيبة طولت اوى

klmat يقول...

بوسى
كل سنه وانت طيبه
وربنا يحقق كل دعاؤك
ودايما تهدينا مواضيع مميزه
ويارب حصيله العيديه تكون كبيره
تحياتى لك وحشتينى

Unknown يقول...

مساءالخير يا اهل الدار

بحاول اكون يقول...

السلام عليكم
ازيك يا بوسي
فينك يا بنتي لعل المانع خير
ليكي وحشة والله والمدونة ضلمة من غيرك ياريت تطمنيني عنك يا قمر
وحشتيني
موني

Eman Eltaher يقول...

كل سنة و انتى طيبة
دى أول زيارة ليكى و ان شاء الله متكونش آخر زيارة

تحياتى

قلب أبيــض يقول...

السلام عليكم
اولا اعتذر على التهنئة المتاخرة جدا
واقول
كل عام وانتم اللى الله اقرب
وجعل الله كل شهوركم رمضان
واثابكم الفضل من عندة
كل سنة وحضرتك طيبة
والسنة الجاية ان شاء الله
ان شاء الله
تبقى بتصلى القيام فى البيت الحرام ان شاء الله
اولا واخيرا
كل سنة وانتى طيبىة

بحاول اكون يقول...

السلام عليكم
ايه يا بوسي الغيبة ده كلها
فينك يا بنتي ولا خلاص صرفتي نظر عن العيديه
كل سنة وانتي طيبة والاسرة الكريمة كلها بخير
عيد سعيد عليكي وعلى كل حبايبك
شوفتي بئه كده مين اللى بيختفي اكتر
موني
وحشتيني موت

بتاع العسل يقول...

بعد السلام

كل سنة وانتى طيبة
بمناسبة عيد الفطر المبارك
اعاده الله علينا

بالخير واليمن والبركات

اه

نسيت العديه بتاعتك
بس هعدى عليك تانى
ان شاء الله

rack-yourminds يقول...

فينك بقالك فتره غايبه

كل سنه وانتي طيبه

ابقي طمنينا عليكي

خيرالدين يقول...

كل سنه وانت طيبه

samo يقول...

كل سنه وانتى طيبه

واسم الحديدى ده فعلا اسم غالى عليا كتير

وليا معاه حاجات جميله
ربتنا يتقبل دعواتك ويكرمك اكتر

واهنيك على الاحب الكبي اللى فى قلوب الاعضاء ليكى
واتمنى تشرفينا فى المدونه خاصتى واتمنى تعجبك

Bossy يقول...

حدوته

كل سنه وانت اجمل بنوته في الدنيا

ربنا يباركلك ودايما اشوفك في احسن حال

ومستنيه العيديه


****

حياة الاحلام

منورانا يا قمر
وشرفتني بالزياره

كل سنه وانتي طيبه
وياريت نشوفك دايما

تحياتي

Bossy يقول...

klmat

وانت طيبه
ربنا يباركلك يا قمر

ومتشكره جدا علي دعواتك
وربنا يتقبل منا ومنكم ان شاء الله
تحياتي

******

بحاول اكون

حبيبة قلبي موني

ايه دا من ورايا
من ورايا يا مني

اولا انا اتمنالك الخير وربنا يتممك الامور
ويكتبلك الخير لانك انسانه تستاهلي كل خير بجد والله وان شاء الله ربنا هيكتبلك الخير

بس برده من ورايا ولا خايفه من التسييح

المهم لازم اعرف التفاصيل مش لازم اكون اخر من يعلم من يعلم
والا تنظيم القاعده هيشتغل فورااااااااا

Bossy يقول...

نخاريف دكتور

منور المدونه

وشرفتني زيارتك وياريت نشوفك دايما
وكل سنه وانت طيب

وربنا يتقبل منك ان شاء الله

******
domalays

اهخلا بيك في المدونه نورتنا
وسعيده جدا بوجودك

ومستنيه العيديه
ومجمد كمان
:))))

تحياتي


****

اسكندراني اوووي

اعتقد ان رمضان ليه شكل مخنلف جدا جدا

في اسكندريه يكفي انك وسط اهلك
ربنا يخليك ليهم
وكل سنه وانت طيب

تحياتي

Bossy يقول...

حسام مراد


اهلا بيك
اول زياره للمدونه
ويارب تكون زياره دائمه

ورمضان كريم وكل سنه وانت طيب

******

sahr

كل سنه وانت طيبه يا قمر

انا بعتب عليكي
ايه بقي مش بتيجي ليه عندنا
دا حتي احنا بلاديات
ولا بخل الدمايطه ولا ايه
اتمني اشوفك دايما

منوراني يا قمر

Bossy يقول...

aliwa


اهلا بيك في مدونتي المتواضعه
اسعدني جدا مرورك
وزيارتك دي ليها معزه خاصه عندي
دا بعد ما عرفت انك دمنهوري
اصلي بكره الدمنهوريين موت

والله بجد مرورك اسعدني
ويارب تكون زياره دائمه
وكل سنه وانت طيب

وسلام كبير لاهل دمهنور


*******

سي السيد

والله جدعنه الدمايطه دي وشي منها في الارض

ايوه كده اعملوا شغل جامد مش من بلد واحده علي الفاضي
انا جيت اهو وجبت النور علشان النور كان مقطوع في غيابي

متشكره جدا علي سؤالك

تحياتي

Bossy يقول...

بوسبوس


عاش من شافك يا قمر
ولا بجد القمر مش بيظهر غير كل 14 يوم

وحشاني جدا يا قمر
وكل سنه وانتي طيبه يا قمر

****

e7na
كل سنه وانت طيب

ورمضان كريم عليك
وعلينا

Bossy يقول...

مش فاهم حاجه


ايه الغيبه دي

انت فين منتظره وجوك مع ان من البوج واضح ان في احداث خطيره حصلت
المهم انت فين
وفين
العيديه





العيديه

مستنياها
ومتشكره جدا علي سؤالك

Bossy يقول...

klmat


وانت طيبه يا اطيب انسانه في الدنيا ربنا يباركلك يارب

اقولك علي سر خطير

الاخوه المدونين طلعوا بخله جدا
وقال ايه كنت فاكره ان الدمايطه بس هما اللي بخله

متشكره جدا علي سؤالك وانت وحشاني جدا

Bossy يقول...

موني


جبيبة قلبي

صيام بقي وكده
والله يا موني كنت في دوامه الحمد لله ومتضايقه جدا ومخنوقه بس علشان وحشتوني جدا رجعتلكم
ويمكن كمان معنديش الللي هقوله
بس الحمد لله
متشكره جدا علي سؤالك

وفين العيديه

متعرفيش فين مش فاهم

Bossy يقول...

ايمان الطاهر

اولا اسمك دا عزيز عليا جدا
اعز واغلي الاسماء

ثانيا يارب زيارتك تكون دايما جدا
لانك من الشخصيات اللزيزه جدا
وزيارتك دي عندي غاليه جدا جدا

واشوفك تاني ان شاء الله


********

قلب ابيض

اسمحلي هتدفع ضريبة تاخير اضافه اللي العيديه

كل سنه وانت طيب
وربنا يتقبل منك الدعات الجميله دي
يتقبل منك رمضان

وكل سنه وانت طيب

Bossy يقول...

بتاع العسل

وانت طيب

وعيد سعيد عليك وعلينا ان شاء الله

ومستنيه العيديه
بلاش بخل الدمايطه



*******

واحد

مش غيبه ولا حاجه ممكن تسميه اختفاء
بس رجعت اهو علشان كل المدونات وحشتني جدا جدا

متشكره جدا علي سؤالك

Bossy يقول...

samo

متشكره جدا علي كلامك

وربنا يخلي كل زكرياتك زكريات حلوه

وياريت بجد يكون ليا معزه عند الاعضاء اصلي بجد بحبهم جدا
وانا دخلت مدونتك قبل كده وكان ليا تعليقات فيها
وهي مدونه لزيز عجبتني جدا
واكيد هزورك تاني

Ahmed Al-Sabbagh يقول...

اممممم
احنا دلوقت بعد العيد

كلامك فى محلة اوى رمضان جه ومشى زى الهوا
اهئ اهئ

samo يقول...

زيارتك لمدونتى شرفتنى كتير

وياريت فعلا تتكرر اكتر لان اراءك بتعجبنى فعلا


شكراا بوسى