إحساس صعب قوووي

يبقي ظلم

لما يكون مصيرك متوقف ع كلمة من شخص

مهما كان الشخص ،،،، هيبقي اسمه ظلم

اللهم أجرني في مصيبتي وأخلفني خيرا منها

يااارب إذا كان هذا هو قضاء فالحمدلله

تقتل فينا الحياة

كان اجمل إحساس بمتلكة هوالتفاءل
كان التفاءل دا بيخلي كل شئ حلو في حياتي ، عمري ما كنت متشائمة
، أي مشكلة كانت بتواجهني كنت بواجهها بتفاءل وأقول أكيد هتتحل.
عمري ما حسيت اني كارهه الدنيا زي دلوقتي . حقيقي كاهه الدنيا
وفقدت كل شئ
حتي أجمل إحساس فقدته
وصلت لمرحلة اني مؤمنة ان العيب فيا ، العيب مش عيب مجتمع أو ناس أو عيب فئة معينة.
لاء
العيب فيا أنا
أما توصل لمرحلة ان أقرب الناس ليك يأذيك يبقي العيب فيا
أما توصل لمرحلة ان حتي الغرب اللي مش يعرفوك يؤذوك
يبقي العيب فيا أنا
أنا خلاص معدش عندي أي إحساس بالأمان
كارهه الدنيا بجد
كنت بثق في الناس بلا حدود
لكن دلوقتي بشك في أي حد
حتي معدش عندي ثقة في نفسي
ليه الناس بتأذيني وليه يجرالي كل دا
يمكن لو كل حاجة من الحاجات اللي بتحصلي دلوقتي حصلت بشكل منفرد كان هيبقي تأثرها مختلف لكن بجد كدا كتير
أنا من أول يوم في السنة دي وأنا حقيقي بتدمر
حتي لما بيجي يوم حلو
اليوم دا بيكون بعد كده سبب وجع كبير جدا
حياتنا كلها معدش فيها أمان
أنا بقيت وحشه أوووي
لا بثق في حد ولا بصدق حد
ولا بأمن لحد
حتي أقرب ما ليا

حتي الوضع دا أنا نفسي كارهه مش قادره اعيش كده مش قادره احس اني عايشة
أنا حاسة اني وصلت لنقطة النهاية
ليه الدنيا بتعمل فيا كده ليه
أنا مقدمتش أي شئ وحش لأي حد
المفروض انتظر ان مفيش حد يقدملي شئ وحش
لو كنت شفت جزء ولو بصيت من معاملة الناس كويس كانت هقدر اعيش كنت هلاقي مبرر
أنا بتغير
أنا فعلا اتغيرت
في حاجة غلط
وأكيد هي أنا
بس أنا عمري مأذيت حد ، أنا بأذي نفسي بس ودا علشان ارضي اللي حواليا

عمري ما ندمت زي دلوقتي
ندمانه علي اي شئ كويس قدمته لأي حد
وندمانه علي ثقتي واحترامي لشخص دمر حياتي واعتقد ان متعته الوحيدة كانت في انه يفضل يتفرج عليا وهو بيضحك ويكذب عليا
متعته الوحيدة أنه يتفرج عليا وأنا بنهار
وللأسف مش قادرة حتي اواجه لمجرد اني مقدرش اشوفه ضعيف قدامي
ليه أنا بدي للناس اكتر من حجمهم
ليه انا بتعامل بحسن نيه
حسن النية دا اللي كان هيوصلني للموت اه فعلا المفروض اسميه غباء
للأسف
كرهت الحياة

كلـمـات الـمـاضـي

تـذهــب بالـمسـتقـبـل

ليس لدي ما اقوله اشعر فقط بانني في أمس الحاجة للتحدث عن هذا الأمر الذي لا يعلمه أحد غيري وغيره
لقد رحل
لا أدري هل هو البعاد ام الفراق أما انها كانت لحظات وداع ، ولكنها طالت حقا طالت كثيرا وانا من انهيتها
لم اجد شخص في حياتي مثله ولم أري حب كهكذا


هل أنا من أخطات
ام هو

لا جدوي من كل هذا
لقد رحل
رحل ولم يبقي في ذاكرتي سوي كلماته وبكائه

عــبـث

تعصف بنا لايام

فنذهب في اتجاهات متفرقه ، قد تتفق احيانا مع ما نتطلع اليه

نتمي دائما ان نكون هناك

فإذا ما ادركنا هناك ندمنا علي قدومنا وتمنينا الرجوع

ما ليس لنا نراه دائما الانسب

وما نحن فيه نراه الاسوء علي الاطلاق

اعلم ان اعلم ان كلماتي تحمل معاني مبعثرة ومضلله ولا داعي للتعجب من هذا الامر

فالكلمه لسان حال الشخص تعبر عن شخصيته احيانا وربما تخدهك تقودك الي شئ وتري في النهاية شئ اخر

لا تنظر الي المظهر فقد تحمل المظاهر البراقه معادن سيئه

ابحث عن الشئ الجميل في كل مكان حولك وداخل كل نفس تراها

فالجمال شئ بداخلنا جميعا

ولكن البعض يفشل في اظهاره والبعض الاخر بارع في ذلك الامر

ولكن طبيعة الانسان تجعله يحب كل شئ مختفي كل شئ بذل جهد من اجل الوصول اليه

كلماتي تذهب بي الي الافكار

وربما العكس هو الصحيح

........

عليي ان انهي هذا العبث

ألــــيــســـت أحــلام الــمــرء مــرهـــونة بــمــاضــيــه

كراسة رسم

كثيرا ما يسرقنا الزمان وتاخذنا الايام
وتشرد من بالنا الذكريات
لذا أدون حياتي ارسم كل ما فيها علي تلك الصفحات
حين اعود الي تلك الصفحات احس وكأنني اتجول بين سنوات عمري بكل ما فيها
أولي صفحاتي
صفحه جميله ، الخطوط والملامح فيها ليست واضحه ولكن في هذه الصفحه تحس البراءة وكيف كانت اقصي احلامي مااجملها من ايام
اما تلك الصفحه
تحس فيها بغضب الاطفال ،اجد لدموعي اثار هنا اذكر ذلك اليوم جيدا حين علمت بتعرض ابي لحادث مؤلم اكثر ما كان يؤلمني انني لااجده امامي واحساسي بالخوف وعدم وجود الامان
برغم من الحزن والدموع
توجد براءة

ما هذه الصفحه اجدها غريبه حقا
أحس بالثوره وفي نفس الوقت الصمت ،نعم اتذكر يوم ان فقدت الثقه في اشياء كثيره وتعرضي للظلم ولكن كان هذا عقاب لذنب ما اقترفته، لعل الله سامحني
كم هي جميله الوان تلك الصفحة ،انها ليست ليوم واحد بل صفحه تضم ثلاث سنوات تبدل حالي كثيرا فيهم كنت دائما اسعي لاكون وحيده وحين احصل علي الوحده ابدأ في اظهار معاناتي منها وكأنني اجبرت عليها
تذكرت من خلالها يوما ما كان فيه ابتسامات الطفوله وراحه البال والفرح الدائم بالنجاح
فلنطوي تلك الصفحه
فهي لن تعود

صراع
تلك المرحلة كنت دائما في صراع صراع داخلي وصراع خارجي لم اتاقلم يوما مع البيئه التي وضعت فيها ولكن هذه المرحلة ونهايتها رسمت بداخلي حلم جميل ولكني كعادتي سريعه اليقظه من النوم لانهي الاحلام واصطدم بالواقع

حاله من الحزن والشجن
اجد ملامح فرحه لم تكتمل او ربما لم استطع الاستمتاع بها انها ايام ولكنها مرت كاعوام طويله
ما كل هذا التحدي الذي تحمله تلك الصفحه
ليست كغيرها فلا يوجد بها خطوط ولا الوان لايوجد بها سوي كلمه واحده
سأكون
مازلت حتي الان في هذه المرحلة وهذا التحدي ،تحدي لذاتي ولمن حولي تحدي لقدراتي وتحدي لظروف اجبرت عليها
مازلت اصر علي امر واحد
ساكون
ربما حققت جزء كبير وخطوات ثابته في طريقي
ولكني مازلت اصر لكي استطيع ان أكمل
سأكون

مــاذا تـبـقـي من مـسـاحـتـي بـداخـلـك

ماذا تبقي من مساحتي بداخلك ؟

لا تقل القليل ولا تقل الكثير
فأنا لم يكن لي بداخلك مساحه في يوم من الايام . لا تتعجب .. فهذا هو الواقع
أدركت ذلك متاخرا فأنا مثلي كالاخريات صدقت كلماتك ووثقت في ذلك الاحساس الذي حملته لي في يوما من الايام

ولكني وجدتك حاوي تجيد مهارات الخداع والزيف تجيد اللعب بالقلوب

سيدي لا تتعجب من امري

فأنا عشت حياة مغلقه ، كنت لي نافذه علي الحياه ، باقه النور التي اظلمت بعد ذلك عمري كله
لا اعرف عنك ، سوي تلك الكلمات التي قلتها عن نفسك . افترضت فيها الصدق
ثم الصدق
ثم الصدق


قد كنت صريحا معي ، اعلم ذلك ، ولكن صراحتك كم كانت مؤلمه ، اتعلم هذا سيدي
رويت لي قصص بطلاتك وكيف انهم مازالوا يتمنون الوصل منك وأنت من تقفل الباب امامهم
كذلك كانوا بطلاتك ، اما الاخريات فهم وحكياتهم احقر بكثير من ان اذكرهم
لم اترك لنفسي مساحه للتفكير ولم تكن امامي فرصه للاختيار ، فقط اتخذت موقفا سلبيا

.
كنت حلما جميل سريع المجئ والذهاب ، لم اقدم لك شئ قبيح ،
كنت ابتسم في وجهك واخفي احزاني ،
اضحك علي كلماتك مجاملتا لك

.
لم تتطرق يوما لما بداخلي ... لم تقدر اي شئ ، كنت اتساوي مع الاخريات كلا له نصيبه من اسطواناتك المشروخه
كل شئ فيك كنت اعترض عليه ، ولكنه اعتراض بداخلي ، ارفضك واقبلك في نفس الوقت

...
كل لمحة كل نظره كلماتك احساسك تفكيرك
كل شئ كنت احمله بداخلي وازين به الطرق امامي
كنت اتحمل الكثير من اجل تلك اللحظات التي دوما بخلت عليا بها

عذرا سيدي
اعلم انك لن تستطيع أن تستوعب ما اقول لن تستطيع
لن تستطيع ان تقدر صمتي وكلماتي لن تستطيع
فالاحساس بالاخرين شئ فقدته منذ زمن احسدك علي تبلد مشاعرك ، ربما لانك لم تتالم في يوما من الايام
قلت لك انك لي العالم ، توهمت انك سوف تمنح
تعطي
تقدر
او ربما تخلص

لا تذكرني بما فعلت . اذكر جيدا أنك منذ تلك اللحظه قررت الاستغناء عني


سيدي ، لا تبالي هذياني وقل امرأة مجنونه

.
احسست يوما بذلك الطفل الذي يحيا بداخلك ، منحته الحنان بلا حدود
اتذكر يوما ما قلت لي انك تبحث عن شئ واحد هو لحظه حنان وقد منحتك اياه
وجدتك تعبر علي سنين حزني وانت ترقص فرحا أحاول الان ان اتمالك
أمثل دور المرأة القوية ولكنك تعلم جيدا انني اضعف ما يمكن
سيدي

لا تخشي من قوتي فهي لا تحمل سوي الضعف
لا تخشي من ذكائي فقد قادني أليك
لا تخشي علي من البعد فكثرت البعد تعلم الجفا
لا تخشي علي من قسوتك فانا انتظر المزيد
ولكني اطلب منك شئ وحيد
أن تنسي الغدر
فلا تغدر بي

تــــنـــاقـــــض

أحسن إلي الناس تستعبد قلوبهم فطالما استعبد الاحسان اناسا

**

قيل لفيثاغورس : من الذي يسلم من معادة الناس ؟

قال : من لم يظهر فيه خير ولا شر

قيل : وكيف

قال : لانه إن ظهر منه خير عاداه الاشرار

وان ظهر منه شر عاده الاخيار

*******

إذا كان الامس قد ضاع

فبين يديك اليوم

وإذا كان اليوم سوف يجمع اوراقه ويرحل

فبين يديك الغد

فلا تحزن علي الامس فهو لن يعود

ولا تأسف علي اليوم فهو راحل

**

كيف يفرح بالدنيا من يومه يهدم شهره

وشهره يهدم سنته

وسنته تهدم عمره

****

أدركــــت الأن ......

أدركت الان

ان الانسان إذا لم يصنع لنفسه السعاده فلن يجدها

أدركت الان

أن الطعنات لا تأتي إلا من الإصدقاء

أدركت الأن

أن الخوف شبح إذا ما أمنا بوجوده تحكم فينا

أدركت الأن

ان الحياة أمل وإذا ضاع الأمل فلن تجد الحياة

أدركت الأن

ان مساحة الصفاء والخير بداخلنا أقل بكثير من النفاق الذي يدور الناس في فلكه

أدركت الأن

اننا بشر

رمـــضـــــان كــريــم

كل سنه وكلكم طيبين

ورمضان كريم

انا مش هتكلم عن افضال رمضان ولا الاستعداد للشهر الكريم لان في مدونين ربنا يكرمهم اتكلموا في النقط دي باستفاضه وجزاهم الله كل خير

طبعا رمضان بالنسبه ليا مش هيبدا ولا هحس بيه غير لما اسمع صوت المسحراتي

فعلا رمضان دا كنز ياريت كلنا نقدر نستغله

وياريت كلكم تدعولي في رمضان اوعوا تنسوا تدعولي والدعاء يكون بضمير

يارب كلنا نقدر نستغل الشهر دا كويس

لان بسرعه بيعدي

وفجاه تلاقي المسحراتي ماشي يقول

الوداع الوداع يا شهر الصيام

وتلاقي التليفزيون بيقول

تم البدر بدري والايام بتجري

علي فكره انا جالي فانوس من زمان مش جالي فانوس

كل سنه وانتم طيبين

ورمضان كريم

نتفق بقي

من قبل ما الشهر يبدا انا بفكركم بالعيديه بتاعتي

يعني تبدقوا تحوشوا من دلوقتي قدمكم وقت اهوه ومفيش اعزار

بعد رمضان هاجي اخد العيديه

رؤيـــــة

عجبا لواقعنا الذي نعيشه

عجبا لانفسنا

لاسلوب حياتنا لمعتقداتنا

عــجــبــا

إذا نظرنا إلي واقعنا الذي نعيشه ،نجد أننا نعيش واقع لا يحتمل نعيش حياة مليئة بكل ما هو سئ ،بكل ما يضر ولا ينفع ،مليئة بالغش والنفاق ،مليئة بالزيف والخداع ،حياة ملونة ولكنها ملونه بلون كئيب

وفي الوقت الذي يعرف كلا منا هذا الواقع وهذه الحقائق المؤلمة التي تملآ حياتنا تجدنا نهرب من هذا الواقع نهرب بالضحك احياننا وكأننا نمثل دورا لشخص فاقد الوعي

ولا نحاول مواجهه هذا الواقع وسلبياته نكتفي فقط بالهروب منه

أما اذا نظرنا لانفسنا ،نجد اننا اشخاصا غريبة ، فنحن نترك كل ما هو جميل بداخلنا من الطبيعة والفطرة والطيبة والحق والخير والوضوح وحب العمل نبتعد عن كل الملامح الجميلة في انفسنا نتركها وننمي بداخلنا جانب الشر وملامحه ، ننمي حب الذات والانانية والحقد والكسل والانانية والتواكل

لماذا نحن كذلك

فقدنا الخير وعثرنا علي الشر...... كرهنا العمل وفضلنا الكسل

أما اذا نظرنا الي اسلوب تفكيرنا نجد ما هو اشبه بالمضحكات المبكيات

اما انهم من اصحاب التجارب القاسية المؤلمة الذين يعيشون قسوه هذه التجربة والامها طيله حياتهم

تفكيرنا دائما ما ينحصر في ان من ليس معنا هو ضدنا وان الاختلاف يعني العداوه

اما اذا نظرنا لمعتقداتنا فنجد اننا في سبيل الهروب من هذا الواقع المؤلم نعتقد اعتقدات معينه ونؤمن بصدقها

نؤمن بنظرية المؤامرة وان كل ما يحدث لنا هو من تدبير الاخرين والذين يريدوا ان ينالوا منا

ولكن مجرد الايمان بالمؤامره هو حقا المؤامرة

ان ما يحدث لنا انما هو من ضعفنا وتخاذلنا وسكوتنا علي الحق وحالة اللامبالاه التي نعيشها

لعل الحل هو ان نؤمن بهذا الواقع ونقدر حجمه الطبيعي

ومن بعد ذلك نفكر في ما سوف نفعله

؟

مــــركـــز أووووول

القاهره اكثر عواصم العالم تلوثا

طبعا التلوث مش جديد بس مركز اول دا الجديد
انا اما قرات مقاله من حوالي سنه وكان الكاتب بيصف القاهره بعاصمه القزاره كرهت الشخص دا

وقلت ازاي يقول كده مستحيل نكون كده
بس خلاص بقينا مركز اول بجداره
اعتقد كده إن العمر الافتراضي للمصريين انتهي ، يعني لو المياه اما بتسسم واما مش موجوده والقمح المسرطن وان كان عجبكم ، والمبيدات والتامين الصحي ومافيا المستشفيات الحكوميه وغيره وغيره
بس المشكله اننا سبب المشكله دي
والمفروض جزء من حل المشكله دي متوقف علينا
ممكن نقول ان الحكومه عملت اللي عليها وزياده اما اتعاقدت مع الشركه الاسبانيه علشان تحل مشكله القمامه في القاهره والجيزه مقابل 160 مليون جنيه في السنه
وطبعا لضعف التمويل وعدم وجود مزانيه الشركه مشت قبل ما تحل المشكله في ميزه واحده انها خلقت مشكله كمان اننا طلعنا مديونين للشركه ب 300 مليون جنيه
طبعا الاهمال هو اللي وصلنا لكده وهيوصلنا للي اكبر من كده
ليه منحترمش ادميتنا كبشر ونحافظ علي بلدنا انا طبعا معرفش المسابقه اللي اتعملت دي اتعملت علي اساس ايه بس يكفي اننا بقينا كده واما نفضل كده بل اسوء واما نحاول نكون احسن
اكيد مش معضله اننا نحل مشكله زي دي

بس تفتكروا ممكن تتحل ازاي

؟؟؟؟؟

موج البحر

الدنيا زي موج البحر واحنا كمان زي موج البحر

لما تبص علي موجه

تلاقيها جايه من بعيد فيها قوه ونشاط وفي الاخر

اول متقرب للشط بتهدي وتحس انها بترجع وتحس انها بتختفي وتيجي موجه تانيه تقويها وتشدها لقدام

ممكن موجه تتصدم بموجه

وممكن موجه وموجه يبقوا موجه واحده بس موجه قويه

بس البحر كله مينفعش يبقي موجه واحده

اوقات بيبقي موج البحر شديد

واوقات بيبقي هادي

بس دا ميمنعش اننا في كل وقت بنحب البحر

بالظبط احنا كده صعب نتفق علي شئ واحد لان مفيش شئ كامل وصفه الكمال مش موجوده غير في الله عزوجل

ممكن نختلف نعادي بعض ولو اتفقنا اكيد هنكون اقوي

الانسان مينفعش يعيش لوحده مهما ان حس ان الدنيا ضده والناس ضده

لازم نتعلم نواجه نواجه نفسنا بحقيقتنا

ونواجه الناس بالحقيقه دي

تاااااج وتاج

موسم التاجات

في ثلاثه من التيجان باقين تاجين من بوسبوس وتاج من شمس

هندمج تاج شمس مع تاج من بوسبوس ونلغي التاج التالت

يلا بقي استحملوا التاجات

اليكم التاج

احب شخص لقلبك في الدنيا؟
بابا ربنا يخليه ليا

انسان مستعد تضحي يحياتك عشانه ؟
مفيش حد ممكن اضحي بحياتي علشانها فكره التضحيه اصلا ملغيه من قاموسي مفيش حد مهما كانت اهميته يستحق اني اضحي بحياتي علشانه باستثناء بابا طبعا

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك ؟
احلي حاجه في السؤال دا كلمة تنقض عليه
انا الفكرة دي كانت بتيجي علي بالي وانا صغير
أي حد يضايقني اتخيل لو قتلته اكيد حياتي هتبقي احسن
بس دلوقتي في ناس تستاهل اكتر من القتل ولو بايدي كنت قتلتهم

اهم جهاز منزلى انت متعلق بيه او بتستخدمه كتير؟
جهاز منزلي يبقي الخلاط
بجد انا بحب الخلاط جدا
شىء تحس بالراحة النفسية عندما تنظر اليه؟
انا أي شئ مش مفهوم بجد براتاح لما ابصله
يعني صورة مش مفهومه رسمه عجيبه ارتاح جدا اما افضل بصه لي
في حاجه كمان الاطفال وهما نايمين ببقوا زي الملايكه برتاح جدا لما اصحيهم

مكان تحس فيه بالحنين الى شىء لا تدرى ماهو و ذكريات جارفة الى لاشىء؟
بيتنا
بيتنا وانا فيه ببقي مفتقده حاجات كتيره جدا في
الحاجات دي موجوده بس للاسف ضاع احساسنا بيها

اجمل مدينة زرتها داخل مصر؟
طبعا اسكندريه مكان يتمتع بالجمال
بس جمال المكان بناسه وزكرياته وعلشان كده بلدي احلي بلد في الدنيا
أجمل مكان طبيعي رأيته داخل مصر؟

انظر الشكل في اول البوست

شخصية كارتونية بتحبها؟

نودي وباباربمووت فيهم وبكار طبعا علشان المنتج المصري

أهم هدف انت واضعه لحياتك دلوقتى؟
اني اكون اقوي من الظروف اللي اتحطيت فيها واعدي من الازمه دي واكون اقوي منها
في هدف تاني بس ادعولي اقدر احققه

مواصفات فتاة/ فتى الأحلام بالنسبة لك ؟
طبعا بعيد عن الموصفات هو اصلا لازم اكيد حد بيعرف ربنا علي خلق بار باهاله
بس

لون البطانية اللى بتتغطى بيها فى الشتاء؟
شتاء يااااااا والله اكتر شئ بحبه البرد والشتاء
بس انا بتغطي بكتير اووي بس احلي لون بطانيه فيهم البني في بيج

احساس يراودك فى اشارة مرور مغلقة بسبب مسئول كبير؟
الحمد لله ان معندناش اشارة مرور ولا مسئول

مين أكتر 6 أشخاص بتحبهم ؟
اكتر ست اشخاص
بالنسبة للاسرة بيقي
بابا وماما ونقين ونسرين وسحر ودعاء وايه
بالنسبة للاطفال يبقي مصطفي وعبدالرحمن واسراء وميرنا وريم و رحيل

بالنسبة للاصحاب يبقي سلوي ومايسة ولاء وهبه وبسمه وبسمه

هل أنت سعيد (وفي حالتي دي هل أنتي سعيدة) ؟
السعاده والحزن اشياء مش دائمه
بس السعاده في الرضا

لو اجتمعت مع حسني مبارك في مكان واحد هتقول له ايه ؟
خلينا نتكلم بصراحه هيحصل ايه لو اتكلمنا بصراحه
انا هعمل معاه حوار صحفي وانفرد بقي بتصريحات تاريخيه انتم عارفين طبعا

إيه أكتر موقف محرج ؟
مثلا لو بتبعت ماستج لحد وتروح لحد تاني

المشكله مش بتبقي في الموقف المشكلة في ازاي تواجهه
الحمد لله ربنا بيسترها معانا

الأمنية اللي تتمنى تحقيقها؟
اتمني ان ربنا يكتبلي حسن الخاتمه
اتمني اني انجح علشان النتيجه قربت تظهراتمني ان ربنا يوفقني

طبعا بقيت الاسئلة ملغيه دا شئ متفق عليه

في سؤال عايزه اساله

واكيد لازم هتجوبوا

احساسك بيبقي عامل ازاي لما حد يكذب عليك وانت عارف انه بيكذب

اخيرا

تم بحمد الله

************

انا همرر التاج دا لاختي وصدقتي العزيزه مؤمنه

وقلب ابيض

وياريت تجاوبوا بسرعه

واي حد عنده تاج ليا

المدونه ترحب بكل التاجات

تاااااااااااااااااج

التاج دا في اصرار جامد عليه

الجميله كلمات والجميلة مكان في القب مرروه ليا

اليكم اجابة التاج

نروجوا التركيز

أسم مدونتك؟

كلمات

لماذا أخترته ..وما هى نيتك من وراء أختياره؟

بصراحه معرفش ليه اخترت الاسم دا بس بعد كده حبيت الاسم دا

هل فكرت فى أغلاق مدونتك ؟ولماذا؟

انا من اول ما عملت البلوج دا مفكرتش اني اقفله او اتوقف عن التدوين لاني حبيت الجو دا جدا

بس حاليابفكر اني ادلت البلوج واختفي من عالم التدوين لاني اول ما دخلت التدوين

عرفت مدونات كتير بس في مجموعه كده ارتبط جدا بدونتهم وبعتبرها مدوناتي بحب كتابتهم جدا

ومبحسش اني نزلت بوست غير لما يعلقوا عليه

بس للاسف معظهم دلوقتي مش موجودين

ياريت يرجعوا لان التدوين ملوش معني من غيرهم

هما

كلام لوجيك

مش فاهم حاجه

وقطر الندي

عالمي ازرق

صورتك فى المدونه و رمزيتها؟؟

الصوره صورة مصطفي ابن اختي

بس طبعا اللي يشوف الصورة هيقول بنوته عسوله

لما دخلت عالم التدوين من الأساس؟

انا اول ما عرفت المدونات حبيت الموضوع جدا

وحسيت اني هلاقي مكان اتكلم فيه عن نفسي

بس انا اعترف في الذكري الشهريه الخامسه للمدونه

ان سبب دخولي التدوين لسه محققتوش

جمله قيلت لك فى وصف مدونتك؟

الجمله دي لسه متقلتش

التعليقات بالنسبه لك..واهميتها؟

التعليقات بالنسبه للموضوعات اللي بكتبها اكيد مهمه

اي فايده كلام اقوله من غير ما حد يقراه بحترم اي حد يسيب تعليق

بحب التعليق اللي بناقش في الموضوع وبيضيف ليه

انا بعلق علي الموضوع اللي افهمه ويعجبني

في موضوعات مبعرفش اعلق عليها لانها بتبقي جميله جدا

زي مدونه العزيزه جهينه

ا نا بحبها جدا وبحترم كل كلمه بتقولها وكل بوست بتنزله بقراه كتير اووي

بس معرفش اعلق علي موضوع عندها

أحلى بوست كتبته....ضع اللنك ثم أذكر لماذا؟

انا مقدرش اقيم نفسي وبعدين اصلا انا مش راضيه عن اي شئ عملته

أفضل بوست قرأته ؟وضع اللنك؟

افضل بوست قراته صعب اوي السؤال دا

في بوست لجهينه اسمه انا والصلصال دا بجد تحفه قراته حوالي تسعين مره

في بوست اسمه تناقض لمش فاهم دا بوست كلماته قليله بس فظيع

اول بوست كاتبه الراقص مع الذئاب اسمه خلف التلال

أفضل مدونه قرأتها؟

السؤال دا بقي صعب جدا جدا

اي مدونه بسيب فيها تعليق وبزروها دايما تبقي من وجهه نظري مدونه كويسه

حد قل أدبه فى التعليق أيه رد فعلك؟

الحمد لله لسه محصلش ويارب ما يحصل رد فعلي لو دا حصل

خير ما نفعله في من لم يتق الله فينا

ان نتقي الله نحن فيه

ولا ايه

أسواء مدونه؟

اسوء مدونه بصراحه بقوا ياما

بس انا محبش اديهم اهميه واتكلم عنهم لانهم احقر من كده

أسواء بوست أسواء مدونه؟

لست ادري

هيحصل أيه لاميلك لما تموتى؟؟

اللهم اما ارزقني حسن الخاتمه

ساعتها بقي يولع الاميل مش مشكله

أديتى الباسوورد لحد قبل كده؟

مرة اديت الباسورد لشخص معين

وبعدها بخمس دقايق غيرتها

كانت أيه طبيعه علاقتك بيه؟

اخ عزيز ان شاء الله

:)

أسمك؟

بوسي الحديدي

المشهور بيه وسط أصحابك؟

واحده اسمها بوسي

هيقولهها ايه غير بوسي

عمرك؟

سنه 20

برجك؟

الجوزاء

وربنا ما يحكم علي حد بيه

اوعي تفكروا في يوم تعرفوا حد جوزائي

لانهم كلهم بالف حال في اللحظه الواحده

دراستك؟؟مجالك؟؟

انا بدرس صحافه

واكيد المجال برده صحافه بس بصراحه شغلة المنافقين

حتي لو قدرت متكونش منافق هتبقي مجبور انك تتعامل مع منافقين

ربنا يعفينا

شخصيتك نوعها ايه؟

شخصيه مليئة بالتناقضات

يعني ببقي متفائله جدا بس نظرتي للاشياء تشاؤميه

ببقي متضايقه جدا وحزينه وفي نفس الوقت بضحك قدام الناس

السفر بالنسبه لك؟

السفر بره مصر دا حلم حياتي السفر جوا مصر بحبه

بس بحب اسافر لوحدي

وقت فراغك بتعملى ايه؟

بعذب نفسي في وقت الفراغ

بفضل اكلم نفسي وتبدا المحاكمه

بلوم نفسي كتير ودا بتعبني جدا لان اللوم مبيغيرش شئ بس بتعلم منه

علشان كده مبحبش وقت الفراغ اصل بوسي بتبقي صعبه اوي

المود بتاعك؟

انا دايما الحمد لله مبتسمه وشكلي يدعوا الي الفرح دا من نعمه ربنا عليا

لكن ساعات بقفل قفله مهببه ربنا ما يوريكم ببقي في الوقت دا غبيه

الأكله المفضله؟

المحشي علشان دا الاكله الوحيده اللي بعرف اعملها

والمكرونه علشان ماما مش بترضي تعملها

الصفات التى أخذتها من بابا؟

بابا ربنا يخليه ليا ياريت ابقي زي بابا انا اخدت منه الطيبه

بابا علمني اني اصدق الناس واثق فيهم

نفسي اقوله دلوقتي شفت اخدت ايه من الناس اللي بصدقهم وبثق فيهم

الصفات التى أخذتها من ماما؟

ست الكل العصبيه العصبيه ثم العصبيه

أكتر ست حاجات بكرهها؟

كنت الاول بقول ان الانسان مش لازم يكره

الكره دا مش من صفات البشر بس الحمد لله البشر علموني اكره

واول شئ كرهته الكذب لان بالكذب كل الحقايق بتتبدل وحتي الناس بتتبدل بالكذب

النفاق بجد صعب اوي اما تحس ان اللي حواليك بينفقوك

الظلم اوحش احساس في الدنيا الظلم

الكره الكره دا وحش جدا

انا بكره البشر اللي علموني الكره

أكتر ست حاجات بحبها؟

البطاطس

وشربات توتو

ولعب الاطفال

وصوت عبد الوهاب

الهدوء مع اني مزعجه جدا

وكحلوشه لما يجي يصحيني

الشغل بالنسبه لك؟

بالنسبه للصحافه

شغل التحقيقات متعه متعبه

اما بقي الاخراج فدا المزاج والراحه

الأنترنت بالنسبه لك؟

حاجه مهمه بس مش اساسيه

حتي الانترنت كرهته

أمرره لمين؟؟

ياساتر يارب

الناس كلها اخدت التاج دا اصلا

اخير انا متاسفه علي الاطاله

لحظات لا تنسي

لحظــات لاتنســى

لحظات الحب ... هي اللحظات التي تخلد في أذهاننا وتحمل كل معاني

السعادة ... فلا تندم على لحظة حب عشتها حتى ولو صارت ذكرى تؤلمك

فإذا كانت الزهرة قد جفت وضاع عبيرها ولم يبقى منها غيرالاشواك

فلا تنسى انها منحتك يوماً عطراً جميلاً أسعدك ...

لا تكسر أبداً كل الجسور مع من تحب ، فربما شاءت الاقدار

لكما يوماً للقاء آخر يعيد ما مضى ويوصل

ما انقطع فإذا كان العمر الجميل قد رحل ..فمن يدري

فربما ينتظرك عمر أجمل ...

وإذا قررت أن تترك حبيباً أو صديقاً فلا تترك له جرحاً

فمن أعطانا قلباً لا يستحق منا أن نغرس فيه

سهماً أو نترك له لحظة تشقيه ...

ما أجمل أن تبقى في روحكما دائماً لحظات الزمن الجميل

فإن فرقت بينكما الايام ... فلا تتذكر لمن تحب

غير كل احساس صادق ولا تتحدث عنه إلا بكل ما هو رائع

ونبيل ، فقد أعطاك قلباً وأعطيته عمراً ...

وإذا جلست يوماً وحيداً فحاول أن تجمع حولك ظلال الأيام الجميلة

التي عشتها مع من تحب ...

واترك بعيداً كل مشاعر الألم والوحشة التي

فرقت بينكما فالأفضل أن يحاول المرء أن يقف بذاكرته عند

أجمل لحظة لقاء عاشها ، لأنها أروع بكثير من لحظة وداع وافتراق ...

فــحـاول أن تجمع دفاتر وأوراق كل الكلمات اللطيفة

التي قلتها لمن تحب وكل الكلمات التي سمعتها منه ...

وأجعل في ألبوم أيامك مجموعة من الصور الجميلة

لذلك الانسان الذي سكن قلبك يوماً ... ملامحه ... بريق

عينيه الحزينة ... ابتسامته في لحظة صفاء ...

ووحشته في لحظة ضيق ... والأمل الذي كبر بينكما يوماً

وترعرع حتى وإن كان قد ذبل ومات ...

وإذا سألوك يوماً عن انسان أحببته

فلا تحاول تشويه الصورة الحلوة لهذا الانسان الذي أرتبطت به

فاجعل من قلبك مخبأ لكل أسراره وحكاياه

فالحب الصادق ليس مشاعر وأحاسيس فقط

بل أخلاق وقيم عظيمة.

لحظات لا تنسي مش انا اللي كاتبها

دا اميل جالي

بس عجبني جدا خصوصا انه بيقول كلامه انا

عايزه اقوله

امتحان ثانويه عامه

احمد: الامتحان يا عم كان كويس بس هو السؤال الرابع اللي كان صعب شويه
محمد: السؤال الرابع دا صح وغلط يابني صعب في ايه
احمد: صح وغلط لا ياراجل

!!!!!!!!!

انا حليته علي انه توصيل
نادر: صح وغلط ايه وتوصيل ايه

انتوا شكلكم بتستهبلوا وبتشتغلوني

مهيش نقصاكم والله
يا عم انت وهو السؤال كان عايزك تحط لكل جملة سؤال

قال صح وغلط

والله بتستهبلوا شكل الامتحانات لحست عقلكم
انا: امتحان ايه الللي بتتكلموا عنه

؟؟؟؟؟
امتحان الفرنساوي
تانيه ثانوي
انا: لا ربنا يعنكم بجد
تخيلوا طلبه ثانويه عامه بتمكلموا عن الامتحانات وبتوقعوا هما هيجيبوا كام في الميه
حلو ايه بقي في الامتحان

Au revoir

حلم فكان

محمد التهامي

كاتب مسرحيه رائعه انا قرائتها

وبصراحه هي شئ يستحق القراءه

اسمها حــلـم فــكـان

وكتبها اثناء معاناة الثانويه العامه

لازم ترحوا تقروها

انا مش هتكلم عن اي شئ فيها لانها مليانه احداث جميله جدا

أحــلي طفل في العالم

وحشتيني جدا يا توتو بقالك اسبوع ياراجل

دي صور توتو او مصطفي او توفي او توته

ابن اختي

توتو دا احلي حاجه في حياتنا

هو اصلا احلي طفل في العالم

واتحدي ان يكون في طفل عسوله كده زي توتو وزكي ماشاء الله زيه

دا توتو في الصيف

توتو وهو بيلعب

شفتوا الجمال

توتو قبل ما ينام

الحاج مصطفي كان بيعمل عمره

تقبل الله

محترف يا توتو

عبقرينوا

دي بقي المفاجأه

علي فكره دا برده توتو بس بعد ما لبس الطرحه بقي بنوته

وبنوته عسوله كمان

مش احلي طفل في العالم برده

كـــــــن نـــفــســك

كن نفسك

دائما كنت اسمعها وارددها
كثيرا ما اقتنعت بها واقنعت بها
ولكني في وقت ما اكتششفت انني لا اعرفها لكي اكون هي
لا اعرفها
اعرف من انا
لكني لا اعرف لماذا افكر هكذا لماذا اقبل هذا وارفض ذاك
لا اجد تفسيرا لما بداخلي من تناقضات ولماذا اتخدت هذه القرارات
حائره بيني وبين نفسي
بين ما اريده وبين ما استطيع ان افعله
بين ما انا فيه وبين ما اتمناه
حائره بين امس واليوم وغدا
.
..

ولكن الان بدات اتفهمها
لانني احاول اولا ان ارضي عن ما انا فيه
وان اتطلع الي ما هو افضل
وان احدد كيف ساصل لما هو افضل وان ابدا في تحقيقه

اما امس واليوم وغدا
فاذا كان الامس قد ضاع فبين يدي اليوم

واذا كان اليوم سوف يرحل فبين يدي الغد
فلا داعي للحزن علي الامس فهو لن يعود
ولا داعي للاسف علي اليوم فهو راحل
.
فقط اتعلم منهم
وكن نفسك

حكومة مــــــــاريــنـــــــا

حد قرأ المقال دا

لو تعثرت «حسناء» في مارينا لهلكت حكومة نظيف بالكامل

فاجأنا السيد وزير النقل باعتماد ميزانية مفتوحة لعلاج تشوهات طريق مارينا بطول ٨٠ كم!! فياله من قرار رائع سوف يقطع ألسنة الذين يتهمون الحكومة بقسوة القلب واللامبالاة،
فهذا هو وزير النقل يعلنها مدوية «لو تعثرت حسناء في مارينا لخشيت أن يسألني الله لم لم تمهد لها الطريق..»، وربما نزل الوزير بنفسه ليتفقد أحوال الرعية هناك، لم أندهش لهلع الوزير علي ضحايا طريق مارينا ولا لأمره بسرعة علاج تشوهات الطريق، فهذا واجبه وهؤلاء شركاؤنا في الوطن وليس ذنبهم أنهم يسكنون الأدوار العليا في هذا الوطن، والتي تطل علي البحر وتري النعيم أما نحن فسكان البدروم تزكم أنوفنا رائحة المجاري التي تحاصرنا في كل مكان،
اندهاشي أن يقتصر اهتمام وقلق وهلع الوزير علي ضحايا طريق مارينا علي حساب ضحايا الطرق الأخري، من قليوب إلي أبنوب، ومن المحور إلي الدائري، ومن الطريق الدولي إلي طريق الصعيد وهم بالآلاف، ألم يأن للسيد الوزير أن ينزل إلي شوارعنا فينظر إلي أحشائها، وقد خرجت ولم نعد نتذكر شكل الأسفلت، ولا حتي عفاريته الذين انقرضوا، بعد أن تحول الأسفلت نفسه إلي عفريت يحاصر المارة ببلاعاته وحفره ومطباته ويحصد أرواح الأبرياء،
إنها حقا مفارقة عجيبة بين أناس تُسَخَّر لهم كل مقدرات وإمكانات هذا الوطن من أجل حياة لا شقاء فيها، وهم بحق باشاوات هذا العصر وبين آخرين ربما كانت سعادتهم الوحيدة في الحصول علي فرصة لخدمة هؤلاء الباشاوات.

http://http://www.almasry-alyoum.com/article.aspx?ArticleID=62987

تـــــــــــــاج

دا اول تاج يجي ليا
هو اسئلته بايخه

بس انا هجاوب عليه

علشان صديقتي العزيزة عالمي ازرق هي مررته ليا

section 1

last beverage?

شـــــــــاي

ِlast phone call

نسرين

last instant message ?

شحص ما

last cd played

مش فاكره

last time u cried ?

النهارده

last text message ?

بسمة صاحبتي

Section 2
- Have You Eversdated someone twice?

ما علينا خليه علي جنب

hv u evers been cheated on ?

من بره المنهج السؤال دا

lost some one special?

كتير كتيرر اوووي كانوا اصحابي

been depressd ?

جايز

Section 3

- List 3 Favorite Colors-

دا

ودا

ودا

ودا

ودا

Section 4 -

This month have you

Made a new friend?

مروة صديقتي العزيزه بحب اقولها كده

Fallen out of love?

ربنا يستر

Laughed until you cried?

بتحصل بس بيبقي بسبب حاجه جامده بس الشهر دا بما اننا في اوله لاء

Met someone who changed your life?

الشهر دا لاء بس ممكن تقول ان تاثيره بان الشهر دا

ممتد المفعول

Found out who your true friends were?

الشهر دا لا

Is there something you want to tell someone?

نفسي اقول لناس كتيره اتقوا ربنا

How many people on your top friends do you know in real life?

كتير

How many kids do you want to have?

بتمني يبقي عندي 12 بيبي

6 ولاد

6 بنات

بس اما فكرت لقيت ان دي حاجة مستحيله فكررت انهم يكونوا عشرة

وهم كالتالي

يوسف - محمد - عبد الرحمن -كريم -نادر

عشق - همسة -فجر- سهر - مريم

بيقولولي اخرك تتفرجي عليهم انتوا ايه رايكم

Do you have any pets ?

لا

Do you wanna change your name?

لا طبعا اغيره ازاي

بوسي في ارق من كده

What did you do for your last birthday?

كان عندي امتحان علشان كده زاكرت

اصل عيد ميلادي في الامتحانات دايما فتلاقيني بحتفل بيه

بالمناسبه هو 6/6

ابقوا قولولي كل سنه وانت طيبة

What time did you wake up today?

الساعة واحده بعد منتصف الليل

What were you doing at midnight last night?

ليه بس كده

دلوقتي من الساعة واحده لحد الفجر دا بعمل حاجات كتير اهمها النت

Last time you saw your father?

من ساعتين تقريبا

What is one thing you wish you could change about your life?

حياتنا كلها نفسي اغيرها بس مين يقدر

What are you listening to right now?

اغنية مقدرش انساك

******

باقي الاسئلة ملغية مش مقرره

اما امرره لمين مش همرره لان الاسئلة رخمة جدا