٢٥ نوفمبر ٢٠٠٧

تــــنـــاقـــــض

أحسن إلي الناس تستعبد قلوبهم فطالما استعبد الاحسان اناسا

**
قيل لفيثاغورس : من الذي يسلم من معادة الناس ؟
قال : من لم يظهر فيه خير ولا شر
قيل : وكيف
قال : لانه إن ظهر منه خير عاداه الاشرار

وان ظهر منه شر عاده الاخيار
*******

إذا كان الامس قد ضاع

فبين يديك اليوم

وإذا كان اليوم سوف يجمع اوراقه ويرحل
فبين يديك الغد

فلا تحزن علي الامس فهو لن يعود

ولا تأسف علي اليوم فهو راحل
**
كيف يفرح بالدنيا من يومه يهدم شهره

وشهره يهدم سنته
وسنته تهدم عمره
****

هناك ٦١ تعليقًا:

rack-yourminds يقول...

اولا: حمدالله علي السلامه

شوفي الانسان في هذه الدنيا هيتعرض لكثير من المحن والهموم ولازم الواحد فينا يستعين بالله وكمان يشغل عقله عشان يتغلب علي تلك المحن والهموم

وكمان لازم الواحد يكون عنده امل وتفاؤل في بكره لان اليأس والتشاؤم مش هيخلوه يتقدم خطوه للامام

-------

ان شاء الله هتعدي المرحله اللي انتي فيها وتكوني في احسن حال ...تحياتي لكي

خيرالدين يقول...

كل ده غياب؟؟؟؟
عموما عوده قويه


لا تاسف على اليوم فهو راحل

أظن دى غريزه فى الانسان صعب جدا نتجاهلها

Unknown يقول...

بصى بقى

اة انا بزعق
لان عندى كمية لوم كبيرة
عشان غيابك المفاجى دة من غير حتى متعرفينا اخبارك

كدة بقى انا خلصت زعيق


بصى بقى
دلوقتى انا فرحان برجوعك
وسعيد جدا بالدرس اللى انتى اتعلمتية فى الفترة اللى فاتت
وعلمتهولى فى البوست دة

تحياتى

Unknown يقول...

مالحق
بعد ما اقريت اخر تعليق ليكى على البوست اللى فات
وكمية مش فاهمة اللى انتى قولتيها
اظن ان جة الوقت تغيرى اسم البلوج
ويبقى
واحدة مش فاهمة حاجة

مش كدة ولا ايه

Unknown يقول...

مالحق
بعد ما اقريت اخر تعليق ليكى على البوست اللى فات
وكمية مش فاهمة اللى انتى قولتيها
اظن ان جة الوقت تغيرى اسم البلوج
ويبقى
واحدة مش فاهمة حاجة

مش كدة ولا ايه

momken يقول...

حكم جميله ومفيده لمن له عقل او القى السمع وهو شهيد

تحياتى

momken يقول...

اه حمدالله على السلامه
ايه كن عقد عمل فى كنيا ولا ايه؟؟؟


تحياتى ليكى ولمصطفى

اسكندراني اوي يقول...

حمدا لله على السلامه البلوج نورت
كنتي غايبه فيييييين؟؟

klmat يقول...

عزيزتى بوسى
الف حمد الله على السلامه
واحشتينى جدا وكنت قلقانه عليكى
خصوصا وان البوست اللى فات كنت حاسه
ان فى موقف مش تمام
المهم نورتى مدونتك بكلامك الجميل
وحكمك المفيده
بوست هايل وعوده قويه
عميق تحياتى
وربنا يسعدك ويكرمك
ياااااااااارب

مجلة سيكولوجية مصرية يقول...

كلماتك رقيقة جدا
ولكن صعب تطبيقها مع هذا الشعب العجيب المسمى بالمصريين واللى انا منهم


وبعد اذنك يعنى رح اضيف مدونتك فى قائمة مدونتى المفضلة
تحياتى لك وارجو ان نتواصل

أحمد مصطفى

Bossy يقول...

rack-yourminds

الله يسلمك ومتشكره جدا يا واحد علي سؤالك

الحمد لله دلوقتي اكيد احسن وان شاء الله اللي جاي يكون احسن
وفعلا لو ممريناش بالتجراب دي الحياه هتقف بيا
الحمدلله
اشكر مرورك
ونشوفك دايما بخير

Bossy يقول...

e7na


وبعد ان طال الغياب عدنا الحمد لله

دايما الانسان كده يندم علي اللي فاته

بس طول ما هو عايش اليوم دا مستحيل يقدر قمته

اشكر مرورك
واريت نشوفك دايما

Bossy يقول...

من مش فاهمه
الي مش فاهم


ازيك يا مصطفي اخبارك ايه

متشكره جدا علي سؤالك واسفه علي حاله القلق اللي كنت سبب فيها
بس كان غصب عني
تخيل بقي اني اما قررت ارجع لاقتني ناسيه لينك المدونه وكمان ناسيه الباس ورد
الحمد لله اني قدرت ارجع اصلا

والله يا مصطفي كانت ايام صعبه وبجد الايام دي اتسببت في حاجات كتير اولها اني فقدت الثقه في ناس كتيره اوي وفقدت الثقه في نفسي وفي اختياراتي
المشكله اني مكنتش لاقيه حد يشاركني دا ولا حتي يخفف عني بس الحمد لله اعتقد ان في ناس كتير اوي اخدوا حجمهم الطبيعي قدامي والاهم اني اتعلم
دوشتك صح بجملت القلق وعدم الفهم
بشكرك جدا جدا جدا
ودايما كده منور البلوج

Bossy يقول...

ممكن

تعليقك بجد فرخني خصوصا ان انت من الناس المميزين بتعليقاتهم
انا بقي قبل ما اغيب كنت انت غايب
كنت فين
وايه حكايه كنيا ملاقتش غيرها ولا ايه

المهم انك منورنا

تحياتي

Bossy يقول...

اسكندراني اووي


كنت في كنيا زي ما ممكن بيقول

كنت يا دوب اخده يومين اجازه من الدنيا والحمد لله اول ما رجعت قلت اعدي علي اهل اسكندريه

منورنا
وسلملي علي اسكندريه واهلها

Bossy يقول...

اميره الكلمات

ربنا يخليك يارب

انا الحمد لله كويسه بس يعني بتقل علي حبابي شويتين
المهم انك بجد وحشاني جدا

ومنوراني جدا

وشكرا علي الكلام الجميل المشجع

تحياتي

Bossy يقول...

احمد مصطفي

الصحفي الكبير ان شاء الله مستقبل باهر

وخليك فاكر بقي اننا زمايل في مهنه واحده

وطبعا شئ يشرفني انك تضيف مدونتي
وزيارتك كمان شئ اعتز بيه

بالنسبه للتعليق علي الموضوع
انت نسيت اننا بلد العجايب

تحياتي

الطائر الحزين يقول...

بداية حمدا لله على السلامة

الوسطية ما اروعها دون افراط ولا تفريط

لكى لا تاسوا على ما فاتكم ولا تفرحوا بما أتاكم

فى القلب يقول...

أيه يا ستى ده النور ده كله

أفتقدناكى بشده

وصدق من قال لا تجعل ألم الماضى و الخوف من المستقبل يقتلان فرحه اليوم

مؤمنه يقول...

السلام عليكم ورحمة الله وبركاته
صديقتى الغاليه جدا على بوسى
حبيبتى مهما طال الليل فلابد من عودة الشمس
ومهما استمر الباطل فساعة الحق بميعاد لا يخلف
ومهما كثرت خطايا البش ....فنحن بشر
يحزننى جدا ان لا أستطع أن أزيل عنك همومك وأنا بجانبك رغم أننى بمجرد أن أحكى لكى شئ أستريح
وفقك الله وأتمنى أن لا أكون أبدا جزء ولو صغير من شئ يضايقك
ألا يكفيكى كم هذا الحب لكى منى ومن غيرى والدليل على ذلك البوست الماضى وفترات غيلبك التى لا تقطع تواصل أحد معك
لا انتى طماعه
أدعو الله أن أراكى دوما على خير وبكل خير وكل خير يهفو حولك
والسلام عليكم ورحمة الله وبركاته

Unknown يقول...

حمد الله ع السلامة يا جميل يه الغيبة دى كلها يا بنتى
موضوع غاية فى الاهمية كعادتك بس انا مش مع فيثاغورس مش عشان الواحد يحتنب معاداة الناس يبقى جماد لا يظهر خير و لا شر يعنى

max.adams يقول...

معلش أنا اتأخرت عليكي بس يلا واحده بواحده بس واحدتك دي بكتيير

أنا قلت أنتي طلعتي المريخ و مافيش شبكه فوق وكده

عالمى ازرق يقول...

حمدلله على السلامه
نورتى مدونتك من تانى

اضيف الي كلماتك

الضربات القوية تهشم الزجاج فقط .. لكنها تصقل الحديد.

دمتِ بخير

max.adams يقول...

الانسان أسير طباعه و عاداته يعني لو انتي طبعك هادي و مسالمة مستحيل تعملي عداوات كتير مش هقول مافيش لأن ده ما بيحصلش بس الانسان فايده يعمل حاجه
يصلح من نفسة يعمل اختبارات للي حواليه قبل ما الفاس تقع في الراس وحاجه تانيه من الأهمية بمكان انها ممكن تعادل الكلام اللي فات ده كله

" أتبع السيئة الحسنة تمحها و خالق الناس بخلق حسن "

وتاني مرة يا مس حديدي تأخير عن خمس أيام موش ينفع هاكتبك غياب و هخصملك خمس درجات من أعمال السنة . يلا بقه ما انتو ما بتجوش الا بالعين الفحلقي

سلام

خيرالدين يقول...

ايه الغياب ده تانى

؟؟؟؟؟

الراقـــص مع الذئـــــاب يقول...

السلام عليكم ورحمة الله وبركاته
الاخت العزيزة بوسي
جزاكي الله خيرا علي السؤال

الموضوع جميل جدا ...كلمات قليلة ولكنها اوجزت يا بوسي

قد تكون بضعة كلمات اغني بكثير من كتب ومجلدات


دمتي في خير اختي الكريمة

غير معرف يقول...

بجد موضوع جميل جداااا واكتر جزء عجبنى


أحسن إلي الناس تستعبد قلوبهم فطالما استعبد الاحسان اناسا

**قيل لفيثاغورس : من الذي يسلم من معادة الناس ؟
قال : من لم يظهر فيه خير ولا شر
قيل : وكيف
قال : لانه إن ظهر منه خير عاداه الاشرار

وان ظهر منه شر عاده الاخيار*******

ويا رب تكون كل موضوعاتكجميله اووووى كده



شبـــ اون لاين ـــاب

أجدع واحد في الشارع يقول...

بصراحة

انا مش عارف اقول ايه

!!!!!!!!!!!!؟

يارب تكونى بخير

مجلة سيكولوجية مصرية يقول...

بوسي انتى هاجرتى ولا ايه ؟؟؟

شبــ اون لاين ـــاب يقول...

كل سنه وانتى طيبه ويا رب يكون عيد سعيد عليكى وعلينا وعلى كل البشر

قلب أبيــض يقول...

السلام عليكم
لا أقول هذا العيد
كل عام وانتم بخير
ولكن اقول
انتم الخير لكل عام
ولا تنسوا اخواننا فى فلسطين
وندعوكم لمتابعة
( العيد وضياع اقصانا )
مدونة قلب أبيض

عالمى ازرق يقول...

عديت اقولك كل سنه وانتى طيبه وبخير
وعيد سعيد عليكى وعلى الاسره كلها

وترجعى مدونتك قريب بأذن الله

الراقـــص مع الذئـــــاب يقول...

السلام عليكم

كل عام وانتي بخير
تقبل الله منا ومنك اختي الكريمة

شاب نفسة يحقق حلمة يقول...

السلام عليكم
كل سنة وانتي طيبة

خيرالدين يقول...

كل سنه وانت طيبه

rack-yourminds يقول...

كل سنه وانتي طيبه وبصحه وبسلامه

زى الهوا يقول...

كلامك جميل يابوسى , كل دى خبرات اتعلمتيها , الجملة دى روعة ومليانة معانى : فلا تحزن علي الامس فهو لن يعود

ولا تأسف علي اليوم فهو راحل

malak يقول...

إذا كان الامس قد ضاع
فبين يديك اليوم
وإذا كان اليوم سوف يجمع اوراقه ويرحل
فبين يديك الغد
فلا تحزن علي الامس فهو لن يعود
ولا تأسف علي اليوم فهو راحل

بجد معاكى حق اوى فى كل اللى كتبته فى البوست عارفة مفيش احلى من الامل والتفاؤل وان الانسان يتعلم من الحاجات اللى بتحصله بس مش يقف عند حاجة لانه لو ظل واقف عند شىء مر بيه الدنيا هتعدى بيه وهو واقف فى مكانه لان الدنيا مش بتنتهى عند موقف حصل ومش هتقف عند أمس ضاع ولا الدنيا هتقف عند يوم راحل

تحياتى وحمد الله على السلامة وبلاش تغيبى تانى كدا

شاب نفسة يحقق حلمة يقول...

ازيك وحمد لله علي السلامة
نصيحة مني متبصيش وراكي كتير اللي فات مبيرجعش
تحياتي

غير معرف يقول...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

gohayna يقول...

كل عام وانتي بالف خير يا حببتي
ويارب السنه الي جايه تبقي محققه كل ما تتمني يا قمر

كل عام وانتي بالف خير يا جميله

طمنيني عليكي واظهري يا سكر

klmat يقول...

كل سنه وانت واسرتك
وكل حبايبك بخير
واحشتينى اوى
ويارب تكونى فى اتم صحه
سلاااااام

Unknown يقول...

كل سنة وانتى طيبة دى اول سنة لصداقتنا اتمنى تبقى لوجه الله الكريم و سعدت حقا بمعرقتك

تحياتى

كلام لوجيك يقول...

السلام عليكم ورحمة الله وبركاته
ازيك يا أختى العزيزة
كل لحظة وانتى بألف خير وصحة وهناء
عيز أطمنك ان البلوج عندي فتح تانى وانفك عنه الحظر
وانشاء الله هنزل موضوع بكرة او بعده بالكتير
اشكرك جدا على المتابعة المتواصلة وعلى سؤالك الدائم

دمتى بألف خير
خالص مودتى

Abd-Alrahman يقول...

علي العموم اولا احب اهنيكي علي امتلاك مدونة زي دي مدونة جميلة وهافة وظريفة ونشيطة
ومع ان دي اول زيارة ليا الااني اري لها طابع خاص
اكيد مش غريب علي ذوق صاحبتها الجميل

ثانيا بوست هايل جدا جدا
وقوي وعلي حدود معلوماتي المتواضعة انه بعد غيبة
واكيد الواح لما بيغيب وبيرجع بيطلع منه احلي كلام
اتمني ان اري لك تعليقا في مدونتي المتواضعة

بحاول اكون يقول...

وحشتيني موت يا بوسي ، اخبارك ايه
ايه يا بنتي هو انا بهت عليكي ولا ايه كل ده غياب عن المدونة للدرجة ده مش بقينا نوحشك ، يارب تكوني بخير وتطمنينا عليكي
انا عملت مدونة جديدة عشان القديمة باظت هي بنفس الاسم بس اللينك هو اللى متغير لما ترجعي بالسلامة انشاللة ابقي ضفيه عندك بدل القديم
ربنا يطمنا عليكي
موني

كلام لوجيك يقول...

السلام عليكم ورحمة الله وبركاته

انا مش هتكلم كتير
ياريت تطمنينا عليكى ضروري ، ولو بتعليق صغير خالص
هدخل بكره وياريت أشوف أي مظهر من مظاهر الحياة على المدونة العزيزة على قلبى مدونة كلمات

اوعى تكسفينى
انا مستنى

دمتى فى حفظ الله

أجدع واحد في الشارع يقول...

انتى فين !!!!!!!!!!!!!!!!!!!!!!؟

max.adams يقول...

hالسلام عليكم
ايه ياستي انتي مش ناوية ولا ايه مشينفع هذا الكلام ..............؟؟؟

كلام لوجيك يقول...

حمدلله على سلامتك يا بوسى والحمدلله انك بخير
ويارب الامتحانات تكون عدت على خير وتكونى مبسوطة كده عشان ترجعيلنا ببوستات متكلفة زي ما عودتينا

مش عاوزين نستنى كتير .... ماشي؟؟؟

خالص مودتى

أبوجنا

بحاول اكون يقول...

ازيك يا بسبوستي
وحشتيني يا قمر
بجد مبسوطة انك جيتي نورتي المدونة الجديدة بجد مش تعرفي انتي وحشتيني قد ايه
يلا بئه ارجعي ونوري المدونة واتحفينا بكتاباتك الروعة
هستناكي يا قمري
موني

بحاول اكون يقول...

صحيح ايه اللى انتي عملتيه في المدونة ده
ياريت ترجعيها تاني زي ما كانت او ترجعي وتعملي نيولوك جديد
موني

مؤمنه يقول...

السلام عليكم ورحمة الله وبركاته
مستنين عوده كده ما حصلتش لتاريخ المدونه
بجد يا بوسى هزعل منك اوى للو اتاخرتى علينا اكتر من كده
وانا عارفه انك ما ترضيش بزعلنا
ولا ايه
والسلام عليكم ورحمة الله وبركاته

akeed يقول...

الموضوع جميل جداً والكلمات معبرة وتحياتى للبلوج دة انا اول مرة ازورة

شبــ اون لاين ـــاب يقول...

كلمات

احنا محتاجين رايك فى موضعنا الجديد
و معلش اذا احنا قصرنا فى الزيارات لكن بجد غصب عننا

مستنينك

akeed يقول...

بحييكى على البوست الرائع فعلا هى دية الحقيقة التى لا نستطيع ان ننكرها لازم نكون واقعيين ونفكر فى الغد ولاكن مع الاستفادة من احداث الامس ....


تحياتى وتمنياتى لبوستات جديدة رائعة

أكيـــــــــد

كلام لوجيك يقول...

يا أهل الدار
أين أنتم؟؟
انا مستنى بقالى كتير
طب مفيش كباية شاي حتى؟؟!!

أنا مستنى أهو

زى الهوا يقول...

حكم جميلة ومفيدة , بس الندم دا طبع فى الانسان ومابيعرفش يتخلى عنه

media يقول...

بجد مش مصدقه الي بيحصلي النهارده مريت على كذا بلوج ومعظمهم جامعة المنصورة وكمان لاقيت بلوجر من قسم اعلام
وادخل البلوج بتاعى الاقيكي سايبه كومنت وكاتبة في احمد عثمان

انا بجد سعيده ايه الهنا اللي انا فيه ده
انا شعبة اذاعة يا جميل شكلك انتى كمان اذاعه مدام قولتى احمد عثمان
ياريت تسيبلي اميلك اذا مكنش عندك مانع ممكن نطلع عارفين بعض

الراقـــص مع الذئـــــاب يقول...

السلام عليكم

اين انتم يا اهل الدار

ليه الغيبة الطويلة ديه يا بوسي؟؟

كلام لوجيك يقول...

أختى الكريمة بوسى
برجاء حذف التعليق الأخير للمدعو (مثلى قوي) هذا الوقح الملحد لعنة الله عليه
فكلماته جارحة ويجب أن تعفى عيون قرائك عن رؤيتها


آه لو أعرف انت مين يا واطى يا زبالة المجتمع
حسابك هيكون عسير (فى الدنيا قبل الآخرة) يا نكرة