السل والحصبة الألمانية
مواقف لو العالم عرفها اكيد هيشيد بيها مواقف تحسب لهم ولا تحسب عليهم
وزارة الصحة النهاردة قالت ان في مصر - حوالي اربع محافظات _ فيها 2943 حالة مصابة بالحصبة الالمانية
بس قالت _والكلام د/نصر السيد وكيل الوزارة _ متقلقوش ياجماعة المرض مفيش اي خطورة ليه (الماني بقي ) اللي بيصاب بالمرض بياخد مناعة طول العمر منه
بجد حسيت انه في اخر المؤتمر هيقول : نداء الي كل الاباء والامهات سيبوا اولادكم يتعدوا دي حاجة مفيهاش ضرر
اما الموقف التاني اللي بجد يحسسك بعبقرية العمل الوزاري الناس دي بتتعب بجد
خبر بيقول (ظهور مرض الــســل ) في القاهرة الكبري وسبعة محافظات والجهات المختصة تواجه مشكله في اكتشافه
منظمة الصحة تقول ان الاصابة بالمرض دا ادت الي وافاة مليوني شخص السنه اللي فاتت
اما الوزارة فبتقول المشكلة اننا مش قادريين يكتشفوا المرض وكل اللي بيعملوه ان اي ح بيموت يقدروا ساعتها يقولوا انه كان مصاب بالمرض ودي عبقرية علشان يعملوا حسابهم برده
تمام بجد
النهارده حالات الاصابة بانفلونزا الطيور بقت 31 حالة
كده كله تمام سيبوا الاطفال تتعدي بالحصبة ايه المشكلة
سيبوا السل ياخد مجراه الطبيعي وزي ما منظمة الصحة بتقول ( ما ظهر السل الا وانتشر ) وكمان سيبوا انفلونزا الطيور الصيف قرب والمرض هيختفي
اعتقد ان وزارة الصحة بتحاول تحقق نجاح في مشروع تنظيم الاسرة بس كل وزاره وليها طريقتها
هناك ٩ تعليقات:
طب الحق ادورلى على حد عندة المرض دة عشان
اتعدى منة واخد مناعة على طول
امال واللة اهل الطب صحيح مجانين
مع ان د/ حاتم الجبلى فعلا يستحق الاحترام على الاقل اما بيغلط بيعترف انه غلط وان عندنا مشاكل فى المستشفيات والعنايه الصحيه فى مصر
بس بصفه عامه حياه المواطن مش غاليه قوى كده .. اصل عندنا منه كتير
متقلقش كل يوم الاعداد بتزيد
تعرف سمعت انهم في الوزاره عملوا خط ساخن ودا في اطار مشروع شعار
مرض حسب الطلب
دي علي فكره كدبت ابريل كدبة ابريل
عالمي ازرق
كونه بيعترف يخطا هوا المسئول عنه دي تتحسب ليه
بس عمل ايه بعد ما اعترف
تعرفي مشكلتنا (هيا مش مشكلة واحده ) اني مفيش الاداره الصح لو علي سيبل المثال وزاره ما الوزير دارس وفاهم اداره اكيد هيقود الوزاره صح اكيد هيوظف الامكانيات اللي عنده صح اكيد هيحط كل واحد في مكان صح هيقدر يحدد جوانيب القصور اللي عنده وهيعلجهااكيد لو قبلته مشكله هيدرسها ويواجهها
وبعدين صحيننا من النوم وقلت اكيد اننا في مصر
ولسه .... ياما فى الجراب يا حاوي
ربنا يستر علينا وعلى بلدنا
هنلاقيها منين بس؟؟
كل حاجه بقت مسممة وملوثة وفاسدة
اللهم لا اسألك رد القضاء
ولكن اسألك اللطف فيه
فينك يابوسي؟
بقالك كتير مش بتدخلى على المدونه بتاعتك
يارب يكون المانع خير
هى ديه بلدك هتعملى ايه وبعدين مفيش حد بيتكلم واكيد لو كان حد بيتكلم الكل بيقول خلينى فى حالى يا عم انا مالى صح وبيقولو انا ورايا بيتى وعيالى اتمنى ان كلنا نتكلم ومش نخاف عشان ده حقنا فيها واول حاجة لازم نفكر فيها النظام وعايزين منسكتش ديه ارواح بتضيع يوم ورا يوم وده حقنا
حكايات كريم
منورنا والله
مش عارفه يا كريم وجهة نظرك متناقضه
يعني فوق قلتلي ان دي بلدك اقبليها كده
لكن هنا بتقول راي تاني وانا بتفق معاك فيه ان احنا اصلا لا نملك الا الكلام كلنا بنتكلم ومفيش حاجه بتتغيير
والمشكله ان كل واحد فينا يتكلم في اتجاه
متشكره جدا علي زيارتك يا كريم
واللينك بتاع المدونه بتاعتك مش شغال ليه ياريت تشوف الموضوع دا عايزين نزورك ولا انت مش عايز ضيوف
تحياتي
المفروض الواحد بعد كده لو عايز يفضل فى مصر على خير يمشى مصفح مغطى مناخيره وبوقه ولابس جوندى ولو حد سأله انت عامل كده ليه يتنازل ويشيل الغطاء الحامى _طبعا ولا حامى غير الله عز وجل_من على وشه ويقوله اصل مش واخد بالك ايحنا فى مصر والشرب يبقى مياه معدنيه بس كده هتبقى الحياه غاليه اوى وهى مش ناقصه خلاص يبقى نروح نقعد عند حسنى مبارك والعائله هو دى اامن مكان ولو حد كلمك قوله لما تبؤقى تنضف البلد نبقى نقعد فيها انا ضيف واجب ضيافته ى (( ويا امراضك يا مصر))
إرسال تعليق