القاهره اكثر عواصم العالم تلوثا
طبعا التلوث مش جديد بس مركز اول دا الجديد
انا اما قرات مقاله من حوالي سنه وكان الكاتب بيصف القاهره بعاصمه القزاره كرهت الشخص دا
طبعا التلوث مش جديد بس مركز اول دا الجديد
انا اما قرات مقاله من حوالي سنه وكان الكاتب بيصف القاهره بعاصمه القزاره كرهت الشخص دا
وقلت ازاي يقول كده مستحيل نكون كده
بس خلاص بقينا مركز اول بجداره
اعتقد كده إن العمر الافتراضي للمصريين انتهي ، يعني لو المياه اما بتسسم واما مش موجوده والقمح المسرطن وان كان عجبكم ، والمبيدات والتامين الصحي ومافيا المستشفيات الحكوميه وغيره وغيره
بس المشكله اننا سبب المشكله دي
والمفروض جزء من حل المشكله دي متوقف علينا
ممكن نقول ان الحكومه عملت اللي عليها وزياده اما اتعاقدت مع الشركه الاسبانيه علشان تحل مشكله القمامه في القاهره والجيزه مقابل 160 مليون جنيه في السنه
وطبعا لضعف التمويل وعدم وجود مزانيه الشركه مشت قبل ما تحل المشكله في ميزه واحده انها خلقت مشكله كمان اننا طلعنا مديونين للشركه ب 300 مليون جنيه
طبعا الاهمال هو اللي وصلنا لكده وهيوصلنا للي اكبر من كده
ليه منحترمش ادميتنا كبشر ونحافظ علي بلدنا انا طبعا معرفش المسابقه اللي اتعملت دي اتعملت علي اساس ايه بس يكفي اننا بقينا كده واما نفضل كده بل اسوء واما نحاول نكون احسن
اكيد مش معضله اننا نحل مشكله زي دي
بس تفتكروا ممكن تتحل ازاي
بس خلاص بقينا مركز اول بجداره
اعتقد كده إن العمر الافتراضي للمصريين انتهي ، يعني لو المياه اما بتسسم واما مش موجوده والقمح المسرطن وان كان عجبكم ، والمبيدات والتامين الصحي ومافيا المستشفيات الحكوميه وغيره وغيره
بس المشكله اننا سبب المشكله دي
والمفروض جزء من حل المشكله دي متوقف علينا
ممكن نقول ان الحكومه عملت اللي عليها وزياده اما اتعاقدت مع الشركه الاسبانيه علشان تحل مشكله القمامه في القاهره والجيزه مقابل 160 مليون جنيه في السنه
وطبعا لضعف التمويل وعدم وجود مزانيه الشركه مشت قبل ما تحل المشكله في ميزه واحده انها خلقت مشكله كمان اننا طلعنا مديونين للشركه ب 300 مليون جنيه
طبعا الاهمال هو اللي وصلنا لكده وهيوصلنا للي اكبر من كده
ليه منحترمش ادميتنا كبشر ونحافظ علي بلدنا انا طبعا معرفش المسابقه اللي اتعملت دي اتعملت علي اساس ايه بس يكفي اننا بقينا كده واما نفضل كده بل اسوء واما نحاول نكون احسن
اكيد مش معضله اننا نحل مشكله زي دي
بس تفتكروا ممكن تتحل ازاي
؟؟؟؟؟
هناك ٣٦ تعليقًا:
معقول انا اول تعليق
يعنى المركز الاول
الموضوع ده تعبنا كلنا
لكن العيب عيب كل واحد فينا
كل واحد بيقول وهى جت عليا يعنى؟
وفى الاخر بتكون النتيجه المركز الاول بس كاكثر عواصم العالم تلوثا
ربنا يسترها لاننا خلاص ضعنا والحمد لله
السلبيه الى عيشين فيها هى السبب فى الحاله دى
أصبح حسنا متبلد
معتش عندنا أمل فى أى شئ
القيم أنهارت
الدين أصبح على المزاج
أختلط الحق بالباطل
كلمه قدوه أصبحت أحدى نكت العصر
فساد فساد فساد
طبيعى كل ذلك التلوث يطول الهواء و الماء
ربنا يكون فى عنا وينورها من عنده
لااااااااااااااااااا
الموضوع دا ما ينفعش في بوست دا عاوز كتاب صفحاته بعدد سنين المشاكل
في حاجات كتير لازم تتغير
والتغيير ما ينفعش نرميه على الحكومه وبس
لا احنا كشعب كناس كبني ادمين لازم نتفاعل عشان نحل المشكله دي
لازم القاعده الشعبيه العريضه هي اللي تبتدي
حلوين الكلمتين الجامدين دول
هههههههههههههههههه
معلش اصل شر البليه ما يضحك
مبروك المركز الاول
وب ج د ا ر ه
السلام عليكم
ازيك يا بوسي
الموضوع جميل مع انه مش جديد
شوفي يا بوسي عدد السكان بتوع القاهرة وعدد الوافدين عليها يوميا من المحافظات الاخري لازم هيعمل المشكلة ديه
شوفي عدد السيارات لوحده ممكن يعمل ايه
لازم هيحصل كدا
والحل الوحيد ان كل واحد يلتزم بنفسه...يعني انا شكمان عربيتي بليظ اروح اصلحه...مرميش القمامة غير في اماكنها وكدا يعني من النصائح الاولية بتاعت اولي ابتدائي
لا تقوليلي شركة فرنسية ولا شركة هندية
ولو زهقتي من التلوث تعالي عندنا اسماعيلية مدينة الهدوء والنقاء والجمال واللون الاخضر
الموضوع جميل والمناقشة فيه مهمة يا بوسي
دمتي في خير اختي الكريمة
الظروووف التي تعيش فيها الناس ده بيخلق سلبيات كتيره
لما تتحسن ظرووف الناس هتلاقيهم بيحترموا ويحافظوا علي كل شئ
تحياتي لكي
زى ماانتى قولتى المشكله هتتحل فى الاساس بينا احنا
يعنى كتير ممكن تلاقى موقف مستفز ان شخص ماشي فى الشارع يرمى ورق بسكوت وساعات اكل
وكأن ده المنطقى والطبيعى للبنى ادمين
سلام عليكم
بوسي مدونتى مضلمة من غير تعليقك
بجد موضوع التلوث ده شئ مش أدمى وبعدين مش مشكلة القاهرة بس تعالى اتفرجي عندنا في اسكندرية بلوى
بوست بجد مهم ومفيد
حلها فى ادينا زى ما زكرتى كل واحد يحترم نفسه و يحافظ على نظافة الشارع الى ماشى فيه او الشركة او المدرسة او المنزل و ياما وسائل الأعلام وجهوا حملات أعلامية عن الموضوع ده و لا حياة لمن تنادى ده فيه نا بتفضل انها ترمى اكياس الزبالة فى الشارع و الطريق العام على انها تديها للزبال الى بيجى البيت عشان ما يدفعوش فلوس يقولولك احنا حندفع فلوس فى الزبالة كمان ؟ طب و هو الزبال ده مش عايز يكسب و ياكل عيش زى بقيت البنى أدمين ؟
ازيك يا بوسى
مش هاقولك منورة النت
عشان الشاشة وكدة
انا هاختلف مع كل الناس اللى سبقونى
انها سلبية مننا
ايوة هيا سلبية مننا
بس لان كل شى حوالينا
بيدعوا للسلبية
دورى حواليكى كدة
وطلعى شى واحد
بيخليكى تبقى ايجابية مش هاتلاقى
ازيك يا بوسى
مش هاقولك منورة النت
عشان الشاشة وكدة
انا هاختلف مع كل الناس اللى سبقونى
انها سلبية مننا
ايوة هيا سلبية مننا
بس لان كل شى حوالينا
بيدعوا للسلبية
دورى حواليكى كدة
وطلعى شى واحد
بيخليكى تبقى ايجابية مش هاتلاقى
طب الحمد لله
اننا خدنا المركز الاول امال فين الكاس بتاع بطولة التلوث ولا هيا ملهاش كاس والبطولة مش معتمده وياتري مين كان بينافسنا علي المركز الاول انا اعتقد ان مكنش فية منافسين احنا خدنا المركز الاول باكتساح
ربنا يستر علينا
كل واحد ماشي في الشارع فعلا زي ما الانسه شمعه امل بتقول
هي جت عليا انا
والبقية تاتي من عغربيات بشكمانات مبهدلة واوتوبيسات معفنة وحاجات كتير
يارب ارحمنا بقي
تحياتي ليكي
تفتكروا لو واحد معاه ورقة وحب يرميها هيلاقى سلة يرميها فيها ولو لقى سلة هيكون عددها يناسب حجم الاوراق
هذا مجرد مثال
شمعه امل
مبروك عليكي التعليق الاول
ومبروك علينا المركز الاول
تعرفي انتي قلتي مشكلتنا بالظبط
كل واحد فينا مش قادر يتحمل مسؤلية نفسه سلبيه بلا حدود وداا اللي مودينا ورا الشمس
منوراني يا قمر
في القلب
معاكي حق اللي مستغربه ليا ازاي دوله مسلمه زي مصر يفترض فينا الاسلام تكون اكثر دوله تلوث
سبحان الله انهار كل شئ بس بسببنا
بس اكيد في حل للمشكله دي
ولا باين احنا هنقدر نحافظ علي المركز الاول دا كتير
ربنا يستر
اسكندراني اوي
الله يبارك فيك
انا قلت ان المشكله دي احنا السبب في وجودها
واحنا جزء من حل المشكله بس برده في دور للحكومه
ممكن يكون توعيه تخطيط تنظيم
بس مين يسمع
ربنا يهدي
الراقص مع الذئاب
ازيك يا محمد حمدلله علي السلامه
هي فعلا مجموعة النصايح الاوليه تقدر تحل جزء من المشكله بس المشكله اكبر من مجرد نصايح تتقال لازم يكون في فعل
وبعدين الاسماعليه تيجي ايه جنب بلدي
هدوء وراحه وجمال
منور يا محمد
wahed
بصراحة انا اتفاجات جدا برايك اللي في التعليق
ازاي بقي وفين كلامك عن الابداع ولالم والاصرار
انت كده بتقوق اما الظروف تتصلح تبقي الناس تتصلح
للظروف الناس المفروض هي اللي تغيرها مش يسبوها كده لازم نكون ايجابين
معاناتنا من الظروف والمشاكل اكيد هتخلق جوانا اصرار علي التغيير
اشكرك علي متابعتك للمدونه
دايما منورنا
مؤمنه
صديقتي العزيزه
دوما استمتع بالاختلاف معك
انا مختلفه معاكي
علي سبيل المثال
مدينه زي سته اكتوبر
فيه كميه مصانع وفرص عمل كتير ووافدين اكتر وبتستوعب كل دا وممكن اقولك انها انضف مكان عشت فيه
الناس بجد محافظين علي ادميتهم وبيحافظوا علي نضافة المكان اللي عايشين فيه
انت اكتر واحده بتشوفي الناس قد ايه مستهتره ومش هاممها
احنا اللي سببنا المشكله
واحنا جزء من حلها
انت وجهة نظرك صح من حيث الاعداد الكتيره بس برده في محافظات فيها اعداد قليله وبرده فيها تلوث
منوراني يا مؤمنه
عالمي ازرق
حمدلله علي السلامه
انا سعيده جدا برجوعك وديما مدونتك
هتفضل مساحة صفا
بجد وحشتني جدا
للاسف دا بقي منطقي وطبيعي انك تلاقي مناظر زي دي
لاء وايه اما حد تلاقيه بيدور علي سله يرمي فيها تلاقي الناس بتترئ عليه
للاسف كل شئ غلط بقي اسمه صح
ياريت اشوفك دايما
عبد الرحمن
انا اسفه جدا لاني مدخلتش مدونتك بقالي فتره بس للاسف السبب هو الجهاز
لانه بيمر بازم صعبه شويه
المهم ايه دا
انا هعملكم اتحاد واسميه الاتحاد السكندري للمدونين
كلهم اسكندرنيه كده
بس انا في راي ان اسكندريه من انظف محافظات الجمهوريه
طبعا بعد محفظتي
:)
منورنا يا عبد الرحمن
عاليا حليم
ازيك يا قمر منوراني
في ناس مش زي البني ادمين او مش ادميين
يعني اما تلاقي سله كبيره في الشارع والناس بترمي جنبها مكسلين يرموا فيها
يبقي اسمه ايه دا
احنا بندفع فلوس للنظافه تقريبا مع فواتير المياه والهكرباء بس البلد زي ما هيا
تقدري تقوليلي الفلوس دي بتروح فين
بس احنا سبب المشكله
ونفسي بجد نقدر نوصل لحل
يمكن نقدر نرجع شئ جميل في حياتنا
منورانا يا عاليا
مش فاهم حاجه
لك ان تتخيل ان دي المره العاشره تقريبا اكتب رد علي تعليقك وميتنشرش
سبحان الله
الانسان بيكون ايجابي او سلبي
علي حسب شخصيته وتكوينه ومبادئه
الظروف والوضع والمشاكل ليهم تاثير بس مش كبير
وبعدين انا مختلفه معاك
الوضع اللي احنا فيه هو اكبر دافع لانك تكون ايجابي
تكون ايجابي علشان تغيير وتصلح
صح ولا انا غلطانه
شاب نفسه يحق حلمك
ليه بس التشائم والحزن اللي باين من كلامك
هو الموضوع يحرق الدم
بس في كاس وشهاده معتمده تخيل اثينا كانت بتنافسنا واخدت اللقب السنه اللي فاتت بس كان ليهم تجربه جميله جدا قدروا بيها يغيروا الوضع دا
مدام كل واحد بيقول هي جت عليا
يبقي تبدا بنفسك وكل واحد فينا يبدا بنفسه
انا متشكره جدا لمرورك
الطائر الحزين
اشكر تشريفك لمدونتي
اللي قلته دا مثال
وفي مثال تاني لسله موجوده وفي حد بيرمي جنبها لانه اتعود علي كده
مكسل يرمي في الباسكت
صدقني التقصير من الجانين
احنا لازم نغير نفسنا والحكومه تواجه المشكله
تحياتي
بوسى
السلام عليكم ورحمه الله وبركاته
المناخ كله مش تمام
هو فيه ايه اكتر من
الاذيه فى صحتنا
والعيب الاساسى فى القيادات
يعنى لواتطبق القانون
واى عربيه بيطع منها عادم
يكون عليها غرامه
لكن بتلاقى ده فى عربه الاسعاف
وفى عربات النقل العام
قيسى على كده كل حاجه
الشعب مقهور ومشغول بلقمه العيش
والمسئولين عايشيين
فى دنياتانيه
حسبى الله ونعم الوكيل
تحياتى لك
السلام عليكم
الموضوع معروف من زمان جدا بس احنا فين من
جزيت خيرا على التذكرة
وسالتى ايه الحل
اقولك
الاسلام هو الحل
فعلا لو طبقنا الاسلام فى شتى مجالات الحياة لحلت جميع المشاكل التى امامنا باذن الله
فالاسلام يحث على النظافة
والرسول الكريم ارشدنا على ذلك
بارك الله فيك
على الموضوع الجميل
قلب ابيض
الحل ان محدش يروح القاهرة
لا يغير الله مت بقوم حتى يغيرو ما بانفسهم
تعرفى انا بفضل الله سافرت اماكن كتير بطبيعه عملى او لصيعتى المبكره
المهم ماشوفتش مناطق شعبيه زى الموجوده فى مصر ابدا
مع احترامى الشديد طبعا للاماكن الشعبيه
بس الى فى مصر مش اماكن شعبيه
دى عشوائيات فرضت نفسها
فرنسا واسبانيا فيها احياء قديمه وفقيره ولكنها ليست عشوائيه
الخدمات موجوده
البنيه التحتيه موجوده
كل سبل الراحه موجوده ومع كده اسمها مناطق شعبيه او لانهم مش بيتكسفوا من الفقر اسمها مناطق فقيره
احنا عندنا اماكن مالهاش علاقه الاادميه اصلا
روحى امبابه او البساتين او السيده عائشه وسوفى الناس دى عايشه ازاى
طيب بدئلوا ازاى مين الى اهمل وسابهم يعملوا فى روحهم كده
لحد ما وصلوا للدرجه دى
فى ازمات وصله لدرجه مستحيل تتحل
البوست بتاعك جميل اوى ومهم
تحياتى
kalemat
عمر القهر ما كان مبرر
لو عايزين نغير هنغير بس التغير لازم يكون من جوانا
وبعدين تيجي القوانين
اشكرك جدا علي مرورك
منورانا
قلب البيض
اشكر مرورك الكريم
علي فكره في حلول مش حل واحد
واول حل الحل اللي انت قلته
بس صدقني الناس اصلا غير قابله للتغير
ابتدوا يخلقول مبررات وحجج
واي انسان بيقول حجج يبقي وصل لنقطة النهايه مستحيل هيغير نفسه ومستحيل هيشارك في اي تغير
تحياتي
تهامي
ايه الحل دا ؟؟؟؟
محدش يروح القاهره
ونعمل حصار عليها ونولع فيها باللي فيها
وبكده هتبقي انظف عاصمه
منورنا يا محمد
ومبروك علي البلوج الجديد انا قرات القصتين
momken
جزء كبير من المشكله هو العشوائيات
بس للاسف احنا دايما بنبص ليهم علي انهم متهمين بس هما ضحايا
كويس جدا انهم قادرين يعيشوا دون ادني موقومات الحياة
لو قدرنا نحل مشكله العشوائيات هنبقي حلينا جزء كبير من المشكله
اشكر مرورك
انا قولت من الاول الصحرا اجمل
الهرووب من الازدحام هو الحل
يعنى هى مشلكه تلوث ولا ازدحام ولا ارتفاع اسعار ولا البطاله
ولا ايه ..............وايه وايه
احنا والله زهقنا من كتر المشاكل والهموم والواحد نفسه يعمل اى حاجه للبلد دى بس هى اللى مش مساعدانا
اسف انى علقت كده على طول اا يمكن تكون دى اول مره ليا هنا بس مش هتكون الاخيره ,,,,,,,,,اكيد
SAMO
ان شاء الله متكونش لاخيره
ومفيش داعي للاسف لاني سعيده جدا بتعليقك خصوصا
انك وضحت جزء ممكن يكون حل للمشكله وهي الصحراء خصوصا ان معظم المدن الجديده تضمن فيها النظافه
بس متضمنش الاسعار
بس اكيد لو كلنا سيبنا القاهره مع اني مش من سكانها ورحنا الصحراء دا هيبقي فعلا هروب
سعيده جدا بتعليقك
وزياره دائمه ان شاء الله
سلام عليكم
مش عارفة والله يا بوسي لو لسة فيه أمل إن القاهرة تتحسن ولا لازم نغير العاصمة بتاعتنا إحنا كمان زي الهند والمكسيك وكل الدول اللي اضطرت تنقل عواصمها من كتر التلوث
ده غير ان محدش عايز يغير حاجة غلط وعقبال ما هناخد بالنا بجد ونبدأ نتحرك هتكون ناس كتير جدا اتأذت وكفاية اننا بقينا من أعلي الدول اللي فيها معدلات أورام
ربنا يعافينا يا رب
وتحياتي ليكي ولموضوعاتك الجميلة يا بوسي
:)
احنا بتوع المراكز الاولى .. من سخرية الاقدار اننا الاكثر عواصم تلوثا فى عصر نظيف .. وتقوليلى الحل اية .. بلاش تطلبى المستحيل
إرسال تعليق