الدنيا زي موج البحر واحنا كمان زي موج البحر
لما تبص علي موجه
تلاقيها جايه من بعيد فيها قوه ونشاط وفي الاخر
اول متقرب للشط بتهدي وتحس انها بترجع وتحس انها بتختفي وتيجي موجه تانيه تقويها وتشدها لقدام
ممكن موجه تتصدم بموجه
وممكن موجه وموجه يبقوا موجه واحده بس موجه قويه
بس البحر كله مينفعش يبقي موجه واحده
اوقات بيبقي موج البحر شديد
واوقات بيبقي هادي
بس دا ميمنعش اننا في كل وقت بنحب البحر
بالظبط احنا كده صعب نتفق علي شئ واحد لان مفيش شئ كامل وصفه الكمال مش موجوده غير في الله عزوجل
ممكن نختلف نعادي بعض ولو اتفقنا اكيد هنكون اقوي
الانسان مينفعش يعيش لوحده مهما ان حس ان الدنيا ضده والناس ضده
لازم نتعلم نواجه نواجه نفسنا بحقيقتنا
ونواجه الناس بالحقيقه دي
هناك ٦٣ تعليقًا:
امسك الكرسي اول صف و متسيبوش :))))))))))))
ايه بس الفلسفة و الكلام الكبير ده كله
انا غرقت في بحرك خلاص
بس جميل تشبيهك عجبني بجد
سلام مؤقت
s h a h
دا فعلا اول كرسي
انا لسه حالا منزله البوست
متشكره جدا علي كلامك
واشكرك علي مرورك علي المدونه
اول مره تدخل بس اكيد هنشوفك تاني
سلالالام مؤقت
تعمق ايه ووصف ايه
وتشبيه ايه
بوست جامد جدا
موضوع جميل
اختيار مووفق
وربنا يكفيكي شر موج البحر لما يبقى هايج
مافيش حاجه بتقف قصاده
الانسان مينفعش يعيش لوحده مهما ان حس ان الدنيا ضده والناس ضده
الكلمتين دول حلوين اوي بس مين يسمع ومين يوعى
ومين يعرفففففففففففففف
تحياتي
:ملحوسه مقولتليش بقى انهو بحر بالظبط
ههههههههههههه
فعلا الانسان لا يحيا على وتيرة واحدة يأخذ فى الصعود والهبوط بمد وجزر الى ان يستقر فى رحمة الله ان شاء الله
تحياتى
نواجه فى عرض البحر ؟
ولا نواجه على الشط ؟
تفرق من انسان لانسان
و الحياة صعبة
و الموج عالى
و النوة جامدة و بشايرها هلت
لا بصراحه اختيارك للبوست ده جاد جدا
وعجبني اوي تشبيهك الدنيا زي موج البحر
تحياتي ليكي
بوسى
جنه من غير ناس متداس
والضربه الى مكسرتناش بتاوينا
وبتعرفنا أزاى نقابل بكره ونتفادى ضربات اخرى
والدنيا تعدى بينا ولما نكبر بنكون وصلنا لمرحله الاحتراف فى اللعب مع الدنيا
ونحاول نقول للاصغر عشان بنحبه
لاكن بيعمل زى ما احنا عملنا مع الى سبقونا
عيزين نخوض التجربه بنفسنا ونتلقى الضربات
بوستك صحا فينا حاجات
لكى التحيه
وجهة نظر تحترم يا بوسي
و عجبني التشبيه أوووي
تحياتي و حبي يا جميلة
:)
عندك حق يا بوسى البحر ده عالم كبير أنا باطلع منه حاجات كتير اوى دنيا لوحده و عايزة الى يتأملها
كم كنت مشتاقه الى أن أرى لك الجديد وها أنا الن اعلق على جديد لك وكم يسعدنى ذلك
صديقتى الأخت بوسى
لا أعلم لماذا عندما نتعمق فى ـامل الدنيا ووصفها يأتى تعبيرنا هذا فى شكل شجى حزين ؟!
شبهتى الدنيا بالبحر والناس بالموج الذى يسكن هذا البحر أجد فى تشبيهك هذا الكثير من التشابه نعم
فالدنيا متغيره غير ثابته وهذا من نعم الله علينا فان لم تكن متغيره لما استمرت
كذلك البحر متغير غير سوى فى طبيعته لهذا يأتى موجه على شكيلته
أستطيع أن أستخرج من هنا شئ وهو أن سر تغيرنا وتقلبنا فى هذه الحياه هو عدم استقرار الدنيا ولكن عدم الاستقرار هذا يصاب به ذوى النفوس الضعيفه التى لا تستطيع الثبات أمام هذا التغير
قولتى أن الاناس لا تستطيع أن تستغنى عن بعضها ونحن فى حاجه الى بعضنا البعض طيلة الوقت
هذه حقيقه نحن بالفعل فى حاجه الى بعضنا البعض ولا يعقل أ ن يستطيع شخص العيش بمفرده بعيد عن روح الجماعه
معك فى ذلك ولا يستطيع أحد ان يخالفك هذا الرأى لكن كما تتنافر فطرة الانسان مع الوحده
تتنافر أيضا فطره الانسان الصالح مع الطالح وهنا يستحيل العيش معا وتكون الوحده جنه فى هذه الحال
فى الختام أتمنى أن لا أكون قد أطلت عليكى وفقكى الله وسدد خطاكى وأعانك
ولا تحرمينى أبدا من الجيد فالجديد تلو الاخر
والسلام عليكم ورحمة الله وبركاته
الاختلاف شئ طبيعي فينا
بس اهم شئ اننا نحترم الراي المخالف لارائنا
احتلاام الرأي الاخر من سمات الامم المتحضره
تحياتي ليكي
كلمات هادفة وجيدة
تشبيه بالغ الواقعية لحياتنا المعتادة
لكن الفكرة هنا هي كيفية التغلب على المصاعب التي تواجهنا بصدر رحب
دمت بكل خير
الرجاء مشاركتنا حملة استقبال رمضان بين المدونين
لك كل الشكر
ايه الكلام الجامد ده
وصفك حقيقى فعلا
الدنيا زى موج البحر كل يوم بحال
ونتمنى من الله اننا نتفق ولو لمرة واحده عشان نبقى اقوى وساعتها محدش هيقدر يكسرنا باذن ال
هستاذنك اخد الصوره بتاعت رمضان هحطها عندى
يا فلسفتك
اوقات كتير نحس ان البحر بيثور
واوقات تلاقيه هادى وجميل
فعلا فى تشابه كبير بين الدنيا والبحر
امواج البحر تحمل الكثير من المعانى
انا بعشق البحر زى محمد منير
تحياتى ليكى وسلام
تعرفى اية الفرق
يا بوسى
الفرق ان الموج لما بيهدى
عمرة مايقدر يهيج تانى
انما الانسان مننا
ممكن يقع مرة واتنين والف
لكن بشوية امل
بيرجع تانى
اقوى
انا هسميها فلسفة صيف
بس كلام مقنع
ومعقول مفيش حد يقدر يعيش لوحدة
بوست جميل اوى يابوسى
انا متفقه معاكى فى تشبيهك للدنيا بالبحر بنحبه جدا ونخاف منه اوى
والأختلاف سنه الحياه
مايمنعش نختلف فى الرأى لكن نكمل بعض
ماشاء الله عليكى يابوسى
تحياتى وسلامى
اختى العزيزة بوسى
تعجبنى كثيرا بوستاتك الفلسفية والتى تقوم على ادراك بعض الحقائق وتحليلها بتشبيهاتك اللذيذة
بصراحة الاخت مؤمنة قطعت على الطريق بتعليقها الثري والمستفيض ، ولكن ما أريد ان اقوله انك قد وفقتى جدا بتشبيهك الدنيا بالبحر
ذلك المارد النائم الذي يظهر غدره بين لحظة واخري ودون مقدمات او اي بادرة
فقد يكون لطيفا هادئا ووديعا ذو زرقة خلابة
وقد يكون هائجا متوحشا متعكر المزاج واللون
فعندما تبتسم لكى الدنيا فيعطيكى البحر من خيراته
وعندما تغضب عليكى .... فإنه قد يبتلعك دون شفقة
ارجو ان تمتعينا دائما بهذه البوستات الراقية ذات المكنون الهادف
دمتى بكل خير
تكملة للتعليق
نسيت ان اعقب على موضوع الوحدة والتواصل مع الاخرين
فالانسان بطبعه كائن اجتماعى لا يميل الى العزلة الا فيما ندر
فمهما توفرت وسائل الترفيه وكل الامكانيات تحت يديه ، فلن يشعر بالمتعة دون وجود رفيق او ونيس او صديق من حوله
قد اكمل التعليق فى وقت لاحق
خالص مودتى
يعنى ايه كلمة وطن
سؤال محتاج من كل واحد فينا اجابة
شاركونى برايكم
قلب أبيض
طول عمري بقول اني شبة البحر
بس بوست جميل
عندك حق بس انتى نسيتى ان البحر متقلب وغدار وهائج وغامض وده الى بيعمل اختلاف ومش بيخلى الموج يكون موجه واحده قويه
كمان موج البحر بيودى مش بيجيب
الناس اشد تقلب من البحر واشد غضب من الموج
انتى كلامك جميل ومليان فلسفه وحكمه وعلم
ربنا يزيدك يابوسى
تحياتى
السلام عليكم ورحمة الله وبركاته
أعاد الله غيبتك على خير
والسلام عليكم ورحمة الله وبركاته
السلام عليكم
ازيك يا بوسى؟ مختفية ليه؟ لعل المانع خير
ارجو ان تكون كل امورك على خير ما يرام
دمتى فى حفظ الله اختى العزيزة
سلام عليكم
فينك يا بوسى
مختفية من العلم الافتراضى
طمنينا عليكى
السلام عليكم ورحمة الله وبركاته
وحشتينى اوى ووحشتى عالم التدوين كله
حبيبتى مشتاقه اشوفك منوره النت زى ما كان بيكى قريب انشاء الله
والسلام عليكم ورحمة الله وبركاته
السلام عليكم
ازيك يا قمر
وحشانى يا بوسى
سا محينى على التاخير
حلوة اوى البوست
وفعلا بيحصل فى الدنيا
نسيتى تقولى ان الموجة لما توزصل للشط بتتفركش بمنتهى البساطة
زى البنى ادم
يعمل بركان
وينزل على الفاضى
فيه ناس كد
وانا بعتبرهم طيبين
الدور والباقى على اللى فى غدرهم زى البحر
هدوء تام لغاية ما يقلب مرة واحدة
:)
تحياتى يا جميلة
السلام عليكم
ازيك يا بوسي وحشتيني اوي ، انا كنت دخله اعتب عليكي انك مش بتسألي عليا لقيتك انتي كمان مختفية ، يارب يكون المانع خير وترجعي تنوري النت تاني
اما بخصوص البوست فهو تحفة وتشبيهك اكتر من رائع فعلاً الدنيا زي البحر على قد ما بنحبه على قد ما بنخاف من غدره
اتمنى لكي التوفيق يا قمر
موني
انا اولا بعتذر للجميع
علي الانقطاع المفاجئ دا
واسفه جدا علي اني مكنتش برد علي التعليقات
واتابع مدونتكم
ان شاء الله مش هتكرر
اذا ربنا اراد
محمود علي
........
ايه المجملات دي كلها
متشكره جدا علي كلامك
وياريت نشوفك تاني
اسكندراني اووي
.....
بجرنا طبعا
من الاخر كده اي بحر غير بحر اسكندريه
:(
متشكره جدا علي مرورك
ومتابعتك للمدونه
الطائر الحزين
معاك حق
الحياة ليست خيرا دائم
ربنا يوفقك ان شاء الله
اشكرك علي مرورك المستمر
تحياتي
islam venture
البحر مش موجه واحده
والناس مش شخص واحد
في اختلاف بين كل شخص والتاني
بس في صفات او خطوط عامه بيجتمع عليها البشر
تحياتي لمرورك
شاب نفسه يحقق حلمه
يارب تحقق كل احلامك
مدام بتسعي اليها
اشكرك علي كلامك
ومرورك
في القلب
جنه من غير ناس متتداس
تخيلي ممكن تتطبقي الكلام دا علي كل الناس الا انا
انا بحب الوحده جدا برتاح فيها
انا بحب السفر لوحدي وارتاح وانا لوحدي
متشكره علي مرورك
وسعيده جدا بتواجدك
القادم اجمل
ربنا يكرمك
علي الكلام دا
اسم مدونتك دايما بيديني امل في بكره
....
عاليا حليم
ازيك يا عليا
وحشاني جدا
فعلا من التامل بنطلع بحاجات كتير
مؤمنه
صديقتي الغاليه
ربنا يخليكي ليا
يا سلوي
بجد انت انسانه عظيمه
متشكره علي كلامك وعلي انك سالتي عليا اما اتاخرت عليكم
وتعليقك انا بحييكي عليه
بس لو المجتمع فيه الصالح وفيه الطالح
محتاجين بعض برده
لان مهمه الصالح انه يصلح الطالح
سلوي ربنا ميحرمني منك ابدا
سلام بقي
wahed
الاختلاف هو سر الوجود
دي حقيقه اي حاجتين شبه بعض مينفعش يعيشوا ميستمروا مع بعض
متشكره علي مرورك
مفيش هريسه
صاحب المضيفه
المشكلات والمصاعب اللي بنقابلها
اكيد كلها ليها حل
حل كل مشكله بختلف عن التانيه بس
الاساس هو الاستعانه بربنا والصبر
انا هتابع ان شاء الله الحمله
وربنا يكرمنا في رمضان ان شاء الله
شمعه امل
دا مفيهوش جدال
انننا لو اتفقنا علي شئ اكيد هنكون افضل واقوي
بس احنا طبعا عارفين
اننا دايما مختلفين
اتفقنا علي الا نتفق
منورنا يا قمر
mohamed gado
شفت ازاي وصلت للفلسفه
سيبني يومين تلاقيني وصلت حدايق القبه
:)
كلنا بنحب البحر
وسلام كبير لمنير
بالمره
تحياتي ليك
منورنا بجد
وسلام
مش فاهم حاجه
يا سيدي الف حمدلله علي السلامه
ومبروك علي البدايه الجديده
نيولوك هايل وكلام جامد
مش عارفه كلامك عن الامل حاسه انه شئ مريت بيه
بس انا من راي مفيش فرق برده
الموج اما بيهدي ممكن موجه تيجي تقويه
او تموته
والانسان اما بفشل ممكن حد يجي يديله امل
وممكن حد يجي يحبطه
انا سعيده جدا بوجودك في العالم الافتراضي
منور بيك ودايما تكون موجود بالجديد
وبشكرك علي سؤالك عليا
اخبار المحله ايه
كراكيب عادل
ياباشا متتخيلش فرحتي قد ايه بوجود
والله بجد منورنا
وفلسفه صيف دي
شهاده من انسان عزيز اعتز بيها
والله منورنا
kalemat
العزيزه اميره
اشكرك علي كلماتك الجميله دائما
فعلا الاختلاف سر البقاء
احنا محتاجين نختلف مع بعض باحترام اكتر
منورانا يا اميره
كلام لوجيك
انا هرد عليك من التعليق التاني ليك
الانسان والعزله
اللانسان بطبيعته اجتماعي
ماشي بس انا عن نفسي بحب الوحده جدا جدا
وبرتاح وانا لوحدي اكتر ما ببقي مع الناس حتي لو كنت مع اشخاص بحبهم
انا قلت قبل كده اني بحب السفر لوحدي وانت استغربت من دا بس دي حقيقه
اما بالنسبه للتعليق الاول فانا بحييك عليه
الدنيا ليست خير دائم
انا بشكرك علي سؤالك
وان شاء الله هتواجد دائما
خالد منصور
انا اول مره دخلت فيها مدنتك كان بسبب اسمك
لان الاسم دا اعرفه كويس اوي بس مطلعتش انت هو الشخص نفسه
المهم متشكرك جدا علي تعليقك
وانا شاء الله نشوفك دائما
ممكن
موج البحر بياخد ويدي بالظبط
زي الدنيا
الاختلاف في البح ر دا الشئ اللي بيشدنا ليه
لانه لو شئ واحد او علي وضع واحد هنزهق منه
ممكن اشكرك علي رايك في كلامي
ومنورنا
البنوته الجميله حدوته
تعرفي يا حدوته ان الناس الطبيين عيبهم انهم طيبين
انا اختلف معاكي في وصفهم بانهم بقوموا ويقعدوا في الاخر علي مفيش
الطيبه وحسن النيه مش سلبيه او مجرد شعارات انسان بيقولها دي فعل
ممكن تلاقي انسان من طيبته مش قادر يداري عيوبه
وانا لابس الف ماسك كل دقيقه بلون
دنيا غريبه
منورانا يا حدوته
بحاول اكون
اذا ذهب العتاب فليس ودا ويبقي الود ما بقي العتاب
انا بجد متاسفه وبعدين لازم يعني كله مره تقليقينا علكي كده
ولا الدنيا مشاغل
اكيد الدنيا مشاغل
ابقي طمينيا عليك
هاا متنسيش يا مني
اخيرا وليس اخرا
انا بشكر اخواتي
مؤمنه
كلام لوجيك
مش فاهم
ربنا يكرمكم يارب
عملتوا جو في المدونه وانا كنت غايبه
ربنا يوفقكم يارب وتفضلوا منورين
تحياتي ليكم
ايوة كدة
خلى النت ينور
حمدلله عالسلامة
أتمنى ان تكونى بخير وفى أتم صحة وافضل حال
منتظرين جديدك .... فلا تبقينا منتظرين
خالص مودتى
ايه يابنتى فينك مختفية ليه؟
وحشتينا بجد
يارب تكونى بخير
السلام عليكم ورحمة الله وبركاته
طب بزمتك مش المدونه شايفه منوره ازاى بقالها شكل يالا ربنا ما يحرمك منها ابدا دومتى فى خير
والسلام عليكم ورحمة الله وبركاته
لازم نقف مع بعض ض الموج
السلام عليكم
موج البحر يذكرنى باحلامى
فاحلامى تبدا كبيرة كالموجة فى البداية
ثم تنتهى بلا شئ كما الموجة حين تصل الى الشاطئ
ثم تبدا من جديد وتنتهى
هكذا هى احلامنا
مش فاهم حاجه
ما انا عارفه ان منوره
لدرجه خلت الشاشه تتحرق
لعنه الله علي اجهزة الكمبيوتر
منور
كلام لوجيك
الله يسلمك
انا عارفه ان الانتظار طول بس العيب من الجهاز بتاعي
وخلاص الجديد نزل اعرف رايك فيه بقي
تحياتي
شمعة امل
ربنا يخليكي
الجهاز بتاعي بيمر بازمة
نهاية العمر
ربنا يشفيه
استحملوا بقي الغياب
منوراني يا قمر
مؤمنه
وعليكم السلام ورحمة الله وبركاته
انا عارفه انك خلاص اتخنقتي مني
بس اوعي تزعلي الكمبيوتر وربنا
الشاشه اتحرقت
والنت فاصل بقاله اربع ايام
اعنل ايه قوليلي
استمليني بقي
سلالام علي بال ما اكلمك
tohamy
لازم كلنا نقف مع بعض ض الموج
كلمتين بس ايه خلاصه
منورنا يا محمد
******
قلب ابيض
الحلم بتولد جوانا قوي والامل في تحقيق الحلم
هو اللي بيدفعنا علشان نحقق احلامنا
لكن في مشاكل بتوجهنا بتخلينا نبعد عن تحقيق الحلم
والامل جوانا بينتهي
تسعدني مرورك
دمت في خير
على فكرة الناس عمرها مكانت زى موج البحر لان موج البحر مهما عالى وقوى بس صافى والانسان عمرة مكان صافى
بالرغم ان تعليقك بتناقض مع كلامي الي انا كتباه بس انا بقولك معاك حق
جايز في الوقت اللي كتبت فيه الكلام دا كنت شايفه الناس بشكل تاني شايفه الدنيا بمبي بس لو قرات ادركت الان هتفهم اني فهمت الناس صح
إرسال تعليق