١١ أغسطس ٢٠٠٧

موج البحر






الدنيا زي موج البحر واحنا كمان زي موج البحر

لما تبص علي موجه

تلاقيها جايه من بعيد فيها قوه ونشاط وفي الاخر

اول متقرب للشط بتهدي وتحس انها بترجع وتحس انها بتختفي وتيجي موجه تانيه تقويها وتشدها لقدام

ممكن موجه تتصدم بموجه


وممكن موجه وموجه يبقوا موجه واحده بس موجه قويه


بس البحر كله مينفعش يبقي موجه واحده

اوقات بيبقي موج البحر شديد


واوقات بيبقي هادي


بس دا ميمنعش اننا في كل وقت بنحب البحر


بالظبط احنا كده صعب نتفق علي شئ واحد لان مفيش شئ كامل وصفه الكمال مش موجوده غير في الله عزوجل

ممكن نختلف نعادي بعض ولو اتفقنا اكيد هنكون اقوي

الانسان مينفعش يعيش لوحده مهما ان حس ان الدنيا ضده والناس ضده

لازم نتعلم نواجه نواجه نفسنا بحقيقتنا

ونواجه الناس بالحقيقه دي


هناك ٦٣ تعليقًا:

S H A H يقول...

امسك الكرسي اول صف و متسيبوش :))))))))))))

ايه بس الفلسفة و الكلام الكبير ده كله

انا غرقت في بحرك خلاص


بس جميل تشبيهك عجبني بجد

سلام مؤقت

Bossy يقول...

s h a h

دا فعلا اول كرسي

انا لسه حالا منزله البوست

متشكره جدا علي كلامك
واشكرك علي مرورك علي المدونه
اول مره تدخل بس اكيد هنشوفك تاني

سلالالام مؤقت

محمود على يقول...


تعمق ايه ووصف ايه
وتشبيه ايه
بوست جامد جدا
موضوع جميل
اختيار مووفق

اسكندراني اوي يقول...

وربنا يكفيكي شر موج البحر لما يبقى هايج
مافيش حاجه بتقف قصاده

الانسان مينفعش يعيش لوحده مهما ان حس ان الدنيا ضده والناس ضده

الكلمتين دول حلوين اوي بس مين يسمع ومين يوعى
ومين يعرفففففففففففففف

تحياتي
:ملحوسه مقولتليش بقى انهو بحر بالظبط
ههههههههههههه

الطائر الحزين يقول...

فعلا الانسان لا يحيا على وتيرة واحدة يأخذ فى الصعود والهبوط بمد وجزر الى ان يستقر فى رحمة الله ان شاء الله
تحياتى

islamventura يقول...

نواجه فى عرض البحر ؟
ولا نواجه على الشط ؟
تفرق من انسان لانسان

و الحياة صعبة
و الموج عالى
و النوة جامدة و بشايرها هلت

شاب نفسة يحقق حلمة يقول...

لا بصراحه اختيارك للبوست ده جاد جدا
وعجبني اوي تشبيهك الدنيا زي موج البحر
تحياتي ليكي

فى القلب يقول...

بوسى
جنه من غير ناس متداس
والضربه الى مكسرتناش بتاوينا
وبتعرفنا أزاى نقابل بكره ونتفادى ضربات اخرى
والدنيا تعدى بينا ولما نكبر بنكون وصلنا لمرحله الاحتراف فى اللعب مع الدنيا
ونحاول نقول للاصغر عشان بنحبه
لاكن بيعمل زى ما احنا عملنا مع الى سبقونا
عيزين نخوض التجربه بنفسنا ونتلقى الضربات
بوستك صحا فينا حاجات
لكى التحيه

و القادم....أجمل يقول...

وجهة نظر تحترم يا بوسي

و عجبني التشبيه أوووي

تحياتي و حبي يا جميلة

:)

Unknown يقول...

عندك حق يا بوسى البحر ده عالم كبير أنا باطلع منه حاجات كتير اوى دنيا لوحده و عايزة الى يتأملها

مؤمنه يقول...

كم كنت مشتاقه الى أن أرى لك الجديد وها أنا الن اعلق على جديد لك وكم يسعدنى ذلك
صديقتى الأخت بوسى
لا أعلم لماذا عندما نتعمق فى ـامل الدنيا ووصفها يأتى تعبيرنا هذا فى شكل شجى حزين ؟!
شبهتى الدنيا بالبحر والناس بالموج الذى يسكن هذا البحر أجد فى تشبيهك هذا الكثير من التشابه نعم
فالدنيا متغيره غير ثابته وهذا من نعم الله علينا فان لم تكن متغيره لما استمرت
كذلك البحر متغير غير سوى فى طبيعته لهذا يأتى موجه على شكيلته
أستطيع أن أستخرج من هنا شئ وهو أن سر تغيرنا وتقلبنا فى هذه الحياه هو عدم استقرار الدنيا ولكن عدم الاستقرار هذا يصاب به ذوى النفوس الضعيفه التى لا تستطيع الثبات أمام هذا التغير
قولتى أن الاناس لا تستطيع أن تستغنى عن بعضها ونحن فى حاجه الى بعضنا البعض طيلة الوقت
هذه حقيقه نحن بالفعل فى حاجه الى بعضنا البعض ولا يعقل أ ن يستطيع شخص العيش بمفرده بعيد عن روح الجماعه
معك فى ذلك ولا يستطيع أحد ان يخالفك هذا الرأى لكن كما تتنافر فطرة الانسان مع الوحده
تتنافر أيضا فطره الانسان الصالح مع الطالح وهنا يستحيل العيش معا وتكون الوحده جنه فى هذه الحال
فى الختام أتمنى أن لا أكون قد أطلت عليكى وفقكى الله وسدد خطاكى وأعانك
ولا تحرمينى أبدا من الجيد فالجديد تلو الاخر
والسلام عليكم ورحمة الله وبركاته

rack-yourminds يقول...

الاختلاف شئ طبيعي فينا
بس اهم شئ اننا نحترم الراي المخالف لارائنا

احتلاام الرأي الاخر من سمات الامم المتحضره

تحياتي ليكي

غير معرف يقول...

كلمات هادفة وجيدة

تشبيه بالغ الواقعية لحياتنا المعتادة

لكن الفكرة هنا هي كيفية التغلب على المصاعب التي تواجهنا بصدر رحب

دمت بكل خير

الرجاء مشاركتنا حملة استقبال رمضان بين المدونين

لك كل الشكر

شمعة أمـــــل يقول...

ايه الكلام الجامد ده
وصفك حقيقى فعلا
الدنيا زى موج البحر كل يوم بحال
ونتمنى من الله اننا نتفق ولو لمرة واحده عشان نبقى اقوى وساعتها محدش هيقدر يكسرنا باذن ال
هستاذنك اخد الصوره بتاعت رمضان هحطها عندى

mohamedgado يقول...

يا فلسفتك
اوقات كتير نحس ان البحر بيثور
واوقات تلاقيه هادى وجميل
فعلا فى تشابه كبير بين الدنيا والبحر
امواج البحر تحمل الكثير من المعانى

انا بعشق البحر زى محمد منير

تحياتى ليكى وسلام

Unknown يقول...

تعرفى اية الفرق
يا بوسى

الفرق ان الموج لما بيهدى

عمرة مايقدر يهيج تانى

انما الانسان مننا

ممكن يقع مرة واتنين والف

لكن بشوية امل
بيرجع تانى
اقوى

كراكيب عادل يقول...

انا هسميها فلسفة صيف

بس كلام مقنع


ومعقول مفيش حد يقدر يعيش لوحدة

klmat يقول...

بوست جميل اوى يابوسى
انا متفقه معاكى فى تشبيهك للدنيا بالبحر بنحبه جدا ونخاف منه اوى
والأختلاف سنه الحياه
مايمنعش نختلف فى الرأى لكن نكمل بعض
ماشاء الله عليكى يابوسى
تحياتى وسلامى

كلام لوجيك يقول...

اختى العزيزة بوسى
تعجبنى كثيرا بوستاتك الفلسفية والتى تقوم على ادراك بعض الحقائق وتحليلها بتشبيهاتك اللذيذة

بصراحة الاخت مؤمنة قطعت على الطريق بتعليقها الثري والمستفيض ، ولكن ما أريد ان اقوله انك قد وفقتى جدا بتشبيهك الدنيا بالبحر
ذلك المارد النائم الذي يظهر غدره بين لحظة واخري ودون مقدمات او اي بادرة
فقد يكون لطيفا هادئا ووديعا ذو زرقة خلابة
وقد يكون هائجا متوحشا متعكر المزاج واللون
فعندما تبتسم لكى الدنيا فيعطيكى البحر من خيراته
وعندما تغضب عليكى .... فإنه قد يبتلعك دون شفقة
ارجو ان تمتعينا دائما بهذه البوستات الراقية ذات المكنون الهادف

دمتى بكل خير

كلام لوجيك يقول...

تكملة للتعليق
نسيت ان اعقب على موضوع الوحدة والتواصل مع الاخرين
فالانسان بطبعه كائن اجتماعى لا يميل الى العزلة الا فيما ندر
فمهما توفرت وسائل الترفيه وكل الامكانيات تحت يديه ، فلن يشعر بالمتعة دون وجود رفيق او ونيس او صديق من حوله

قد اكمل التعليق فى وقت لاحق
خالص مودتى

قلب أبيــض يقول...

يعنى ايه كلمة وطن
سؤال محتاج من كل واحد فينا اجابة
شاركونى برايكم
قلب أبيض

خالد منصور يقول...

طول عمري بقول اني شبة البحر
بس بوست جميل

momken يقول...

عندك حق بس انتى نسيتى ان البحر متقلب وغدار وهائج وغامض وده الى بيعمل اختلاف ومش بيخلى الموج يكون موجه واحده قويه
كمان موج البحر بيودى مش بيجيب
الناس اشد تقلب من البحر واشد غضب من الموج
انتى كلامك جميل ومليان فلسفه وحكمه وعلم
ربنا يزيدك يابوسى

تحياتى

مؤمنه يقول...

السلام عليكم ورحمة الله وبركاته
أعاد الله غيبتك على خير
والسلام عليكم ورحمة الله وبركاته

كلام لوجيك يقول...

السلام عليكم
ازيك يا بوسى؟ مختفية ليه؟ لعل المانع خير
ارجو ان تكون كل امورك على خير ما يرام
دمتى فى حفظ الله اختى العزيزة

Unknown يقول...

سلام عليكم

فينك يا بوسى
مختفية من العلم الافتراضى

طمنينا عليكى

مؤمنه يقول...

السلام عليكم ورحمة الله وبركاته
وحشتينى اوى ووحشتى عالم التدوين كله
حبيبتى مشتاقه اشوفك منوره النت زى ما كان بيكى قريب انشاء الله
والسلام عليكم ورحمة الله وبركاته

Hadota ... حدوتة يقول...

السلام عليكم
ازيك يا قمر
وحشانى يا بوسى
سا محينى على التاخير

حلوة اوى البوست
وفعلا بيحصل فى الدنيا

نسيتى تقولى ان الموجة لما توزصل للشط بتتفركش بمنتهى البساطة

زى البنى ادم
يعمل بركان
وينزل على الفاضى

فيه ناس كد
وانا بعتبرهم طيبين

الدور والباقى على اللى فى غدرهم زى البحر

هدوء تام لغاية ما يقلب مرة واحدة
:)

تحياتى يا جميلة

بحاول اكون يقول...

السلام عليكم
ازيك يا بوسي وحشتيني اوي ، انا كنت دخله اعتب عليكي انك مش بتسألي عليا لقيتك انتي كمان مختفية ، يارب يكون المانع خير وترجعي تنوري النت تاني
اما بخصوص البوست فهو تحفة وتشبيهك اكتر من رائع فعلاً الدنيا زي البحر على قد ما بنحبه على قد ما بنخاف من غدره
اتمنى لكي التوفيق يا قمر
موني

Bossy يقول...

انا اولا بعتذر للجميع

علي الانقطاع المفاجئ دا

واسفه جدا علي اني مكنتش برد علي التعليقات
واتابع مدونتكم

ان شاء الله مش هتكرر
اذا ربنا اراد

Bossy يقول...

محمود علي
........

ايه المجملات دي كلها

متشكره جدا علي كلامك

وياريت نشوفك تاني


اسكندراني اووي
.....

بجرنا طبعا

من الاخر كده اي بحر غير بحر اسكندريه
:(
متشكره جدا علي مرورك
ومتابعتك للمدونه

Bossy يقول...

الطائر الحزين

معاك حق
الحياة ليست خيرا دائم

ربنا يوفقك ان شاء الله
اشكرك علي مرورك المستمر
تحياتي

Bossy يقول...

islam venture

البحر مش موجه واحده

والناس مش شخص واحد
في اختلاف بين كل شخص والتاني
بس في صفات او خطوط عامه بيجتمع عليها البشر
تحياتي لمرورك

Bossy يقول...

شاب نفسه يحقق حلمه

يارب تحقق كل احلامك
مدام بتسعي اليها

اشكرك علي كلامك
ومرورك

Bossy يقول...

في القلب

جنه من غير ناس متتداس

تخيلي ممكن تتطبقي الكلام دا علي كل الناس الا انا
انا بحب الوحده جدا برتاح فيها
انا بحب السفر لوحدي وارتاح وانا لوحدي
متشكره علي مرورك
وسعيده جدا بتواجدك

Bossy يقول...

القادم اجمل

ربنا يكرمك
علي الكلام دا

اسم مدونتك دايما بيديني امل في بكره


....
عاليا حليم
ازيك يا عليا
وحشاني جدا
فعلا من التامل بنطلع بحاجات كتير

Bossy يقول...

مؤمنه

صديقتي الغاليه
ربنا يخليكي ليا
يا سلوي
بجد انت انسانه عظيمه
متشكره علي كلامك وعلي انك سالتي عليا اما اتاخرت عليكم
وتعليقك انا بحييكي عليه
بس لو المجتمع فيه الصالح وفيه الطالح
محتاجين بعض برده
لان مهمه الصالح انه يصلح الطالح
سلوي ربنا ميحرمني منك ابدا
سلام بقي

Bossy يقول...

wahed

الاختلاف هو سر الوجود

دي حقيقه اي حاجتين شبه بعض مينفعش يعيشوا ميستمروا مع بعض

متشكره علي مرورك
مفيش هريسه

Bossy يقول...

صاحب المضيفه

المشكلات والمصاعب اللي بنقابلها
اكيد كلها ليها حل
حل كل مشكله بختلف عن التانيه بس
الاساس هو الاستعانه بربنا والصبر

انا هتابع ان شاء الله الحمله
وربنا يكرمنا في رمضان ان شاء الله

Bossy يقول...

شمعه امل

دا مفيهوش جدال
انننا لو اتفقنا علي شئ اكيد هنكون افضل واقوي
بس احنا طبعا عارفين
اننا دايما مختلفين
اتفقنا علي الا نتفق

منورنا يا قمر

Bossy يقول...

mohamed gado

شفت ازاي وصلت للفلسفه
سيبني يومين تلاقيني وصلت حدايق القبه
:)
كلنا بنحب البحر
وسلام كبير لمنير
بالمره
تحياتي ليك
منورنا بجد
وسلام

Bossy يقول...

مش فاهم حاجه

يا سيدي الف حمدلله علي السلامه

ومبروك علي البدايه الجديده
نيولوك هايل وكلام جامد

مش عارفه كلامك عن الامل حاسه انه شئ مريت بيه
بس انا من راي مفيش فرق برده
الموج اما بيهدي ممكن موجه تيجي تقويه
او تموته
والانسان اما بفشل ممكن حد يجي يديله امل
وممكن حد يجي يحبطه

انا سعيده جدا بوجودك في العالم الافتراضي
منور بيك ودايما تكون موجود بالجديد
وبشكرك علي سؤالك عليا
اخبار المحله ايه

Bossy يقول...

كراكيب عادل

ياباشا متتخيلش فرحتي قد ايه بوجود

والله بجد منورنا

وفلسفه صيف دي
شهاده من انسان عزيز اعتز بيها
والله منورنا

Bossy يقول...

kalemat


العزيزه اميره
اشكرك علي كلماتك الجميله دائما

فعلا الاختلاف سر البقاء
احنا محتاجين نختلف مع بعض باحترام اكتر
منورانا يا اميره

Bossy يقول...

كلام لوجيك

انا هرد عليك من التعليق التاني ليك
الانسان والعزله
اللانسان بطبيعته اجتماعي
ماشي بس انا عن نفسي بحب الوحده جدا جدا
وبرتاح وانا لوحدي اكتر ما ببقي مع الناس حتي لو كنت مع اشخاص بحبهم
انا قلت قبل كده اني بحب السفر لوحدي وانت استغربت من دا بس دي حقيقه

اما بالنسبه للتعليق الاول فانا بحييك عليه
الدنيا ليست خير دائم
انا بشكرك علي سؤالك
وان شاء الله هتواجد دائما

Bossy يقول...

خالد منصور

انا اول مره دخلت فيها مدنتك كان بسبب اسمك
لان الاسم دا اعرفه كويس اوي بس مطلعتش انت هو الشخص نفسه

المهم متشكرك جدا علي تعليقك
وانا شاء الله نشوفك دائما

Bossy يقول...

ممكن

موج البحر بياخد ويدي بالظبط
زي الدنيا
الاختلاف في البح ر دا الشئ اللي بيشدنا ليه
لانه لو شئ واحد او علي وضع واحد هنزهق منه
ممكن اشكرك علي رايك في كلامي
ومنورنا

Bossy يقول...

البنوته الجميله حدوته

تعرفي يا حدوته ان الناس الطبيين عيبهم انهم طيبين
انا اختلف معاكي في وصفهم بانهم بقوموا ويقعدوا في الاخر علي مفيش
الطيبه وحسن النيه مش سلبيه او مجرد شعارات انسان بيقولها دي فعل
ممكن تلاقي انسان من طيبته مش قادر يداري عيوبه
وانا لابس الف ماسك كل دقيقه بلون
دنيا غريبه
منورانا يا حدوته

Bossy يقول...

بحاول اكون

اذا ذهب العتاب فليس ودا ويبقي الود ما بقي العتاب

انا بجد متاسفه وبعدين لازم يعني كله مره تقليقينا علكي كده
ولا الدنيا مشاغل
اكيد الدنيا مشاغل
ابقي طمينيا عليك
هاا متنسيش يا مني

Bossy يقول...

اخيرا وليس اخرا

انا بشكر اخواتي

مؤمنه
كلام لوجيك
مش فاهم

ربنا يكرمكم يارب
عملتوا جو في المدونه وانا كنت غايبه
ربنا يوفقكم يارب وتفضلوا منورين

تحياتي ليكم

Unknown يقول...

ايوة كدة

خلى النت ينور

كلام لوجيك يقول...

حمدلله عالسلامة
أتمنى ان تكونى بخير وفى أتم صحة وافضل حال
منتظرين جديدك .... فلا تبقينا منتظرين

خالص مودتى

شمعة أمـــــل يقول...

ايه يابنتى فينك مختفية ليه؟
وحشتينا بجد
يارب تكونى بخير

مؤمنه يقول...

السلام عليكم ورحمة الله وبركاته
طب بزمتك مش المدونه شايفه منوره ازاى بقالها شكل يالا ربنا ما يحرمك منها ابدا دومتى فى خير
والسلام عليكم ورحمة الله وبركاته

nohamy يقول...

لازم نقف مع بعض ض الموج

قلب أبيــض يقول...

السلام عليكم
موج البحر يذكرنى باحلامى
فاحلامى تبدا كبيرة كالموجة فى البداية
ثم تنتهى بلا شئ كما الموجة حين تصل الى الشاطئ
ثم تبدا من جديد وتنتهى
هكذا هى احلامنا

Bossy يقول...

مش فاهم حاجه

ما انا عارفه ان منوره
لدرجه خلت الشاشه تتحرق

لعنه الله علي اجهزة الكمبيوتر

منور

Bossy يقول...

كلام لوجيك

الله يسلمك

انا عارفه ان الانتظار طول بس العيب من الجهاز بتاعي
وخلاص الجديد نزل اعرف رايك فيه بقي
تحياتي

Bossy يقول...

شمعة امل

ربنا يخليكي

الجهاز بتاعي بيمر بازمة
نهاية العمر
ربنا يشفيه
استحملوا بقي الغياب
منوراني يا قمر

Bossy يقول...

مؤمنه

وعليكم السلام ورحمة الله وبركاته

انا عارفه انك خلاص اتخنقتي مني
بس اوعي تزعلي الكمبيوتر وربنا

الشاشه اتحرقت
والنت فاصل بقاله اربع ايام
اعنل ايه قوليلي
استمليني بقي
سلالام علي بال ما اكلمك

Bossy يقول...

tohamy

لازم كلنا نقف مع بعض ض الموج

كلمتين بس ايه خلاصه
منورنا يا محمد

******

قلب ابيض

الحلم بتولد جوانا قوي والامل في تحقيق الحلم
هو اللي بيدفعنا علشان نحقق احلامنا
لكن في مشاكل بتوجهنا بتخلينا نبعد عن تحقيق الحلم
والامل جوانا بينتهي

تسعدني مرورك
دمت في خير

غير معرف يقول...

على فكرة الناس عمرها مكانت زى موج البحر لان موج البحر مهما عالى وقوى بس صافى والانسان عمرة مكان صافى

Bossy يقول...

بالرغم ان تعليقك بتناقض مع كلامي الي انا كتباه بس انا بقولك معاك حق
جايز في الوقت اللي كتبت فيه الكلام دا كنت شايفه الناس بشكل تاني شايفه الدنيا بمبي بس لو قرات ادركت الان هتفهم اني فهمت الناس صح