عجبا لواقعنا الذي نعيشه
عجبا لانفسنا
لاسلوب حياتنا لمعتقداتنا
عــجــبــا
إذا نظرنا إلي واقعنا الذي نعيشه ،نجد أننا نعيش واقع لا يحتمل نعيش حياة مليئة بكل ما هو سئ ،بكل ما يضر ولا ينفع ،مليئة بالغش والنفاق ،مليئة بالزيف والخداع ،حياة ملونة ولكنها ملونه بلون كئيب
وفي الوقت الذي يعرف كلا منا هذا الواقع وهذه الحقائق المؤلمة التي تملآ حياتنا تجدنا نهرب من هذا الواقع نهرب بالضحك احياننا وكأننا نمثل دورا لشخص فاقد الوعي
ولا نحاول مواجهه هذا الواقع وسلبياته نكتفي فقط بالهروب منه
أما اذا نظرنا لانفسنا ،نجد اننا اشخاصا غريبة ، فنحن نترك كل ما هو جميل بداخلنا من الطبيعة والفطرة والطيبة والحق والخير والوضوح وحب العمل نبتعد عن كل الملامح الجميلة في انفسنا نتركها وننمي بداخلنا جانب الشر وملامحه ، ننمي حب الذات والانانية والحقد والكسل والانانية والتواكل
لماذا نحن كذلك
فقدنا الخير وعثرنا علي الشر...... كرهنا العمل وفضلنا الكسل
أما اذا نظرنا الي اسلوب تفكيرنا نجد ما هو اشبه بالمضحكات المبكيات
اما انهم من اصحاب التجارب القاسية المؤلمة الذين يعيشون قسوه هذه التجربة والامها طيله حياتهم
تفكيرنا دائما ما ينحصر في ان من ليس معنا هو ضدنا وان الاختلاف يعني العداوه
اما اذا نظرنا لمعتقداتنا فنجد اننا في سبيل الهروب من هذا الواقع المؤلم نعتقد اعتقدات معينه ونؤمن بصدقها
نؤمن بنظرية المؤامرة وان كل ما يحدث لنا هو من تدبير الاخرين والذين يريدوا ان ينالوا منا
ولكن مجرد الايمان بالمؤامره هو حقا المؤامرة
ان ما يحدث لنا انما هو من ضعفنا وتخاذلنا وسكوتنا علي الحق وحالة اللامبالاه التي نعيشها
لعل الحل هو ان نؤمن بهذا الواقع ونقدر حجمه الطبيعي
ومن بعد ذلك نفكر في ما سوف نفعله
؟
هناك ٥٧ تعليقًا:
يسرني ان اكون اول من وضع تعليقا على البوست الرائع
ابدعتي فاحسنتي
بالتوفيق
السلام عليكم ورحمة الله وبركاته
أختى بوسى
الدنيا علمتنا أن الحياه مليئه بالتناقضات لكى تستمر فعلينا نحن أن نسلك الطريق الذى يناسبنا وسط هذه التناقضات وبالتأكيد سنجد فى طريقنا من يناسبنا ويعيننا على تكملته
وفقك الله حبيبتى فى الله
والسلام عليكم ورحمة الله وبركاته
اذا كانت الحياه كما تخيلتها انتى بهذه المثاليه لاصبحت جنه
فرؤيتنا للحياه كما هى رؤيتنا للواقع قد تحدث بها بعض التشوش او انعدام الرؤيه لفتره
وكثير ما يحدث لنا خداع بصري
الاهم .. ان نتدارك انفسنا مبكرا ونعود لفطرتنا السليمه
دامت دنياك نقيه لا يلوثها شيء
ولقد خلقنا الانسان فى كبد
عجبتنى اوى جملة ( مجرد الأيمان بالمؤامرة هو حقا المؤامرة ) السلبية و الخضوع و حزب جنب الحيط هما الى عملوا فينا كده
SAHR
اشكر مرورك الكريم
ومتتخيليش انا قد ايه سعيده بوجودك
اصل احنا طلعنا بلديات اه والله
ربنا يخليك علي زوقك
واكيد هشوفك تاني
مؤمنه
وعليكم السلام ورحمة الله وبركاته
الحياه مليئه بالتناقضات
بالشكل دا تبقي المساله مجرد حسن او سوء اختيار
بس تفتكري احنا ممكن نغير الجانب السئ او علي الاقل نقلل وجوده
ولا دي طبيعة الحياه
منورانا وبجد وحشتيني جدا
عالمي ازرق
وحشاني جدا جدا ومنورا المدونات كلها
معاكي حق بيحصل لينا خداع بصري بس في اوقات برتاح جدا في الحاله دي وبنفضل نتعايش فيها
وياريت كلنا نقدر نرجع للفطره والطبيعه الجميله
ربنا يوفقك دايما
الطائر الحزين
سعيده جدا بمتابعتك لمدونتي
ومرورك الكريم
وتعليقاتك الطيبه
تحياتي
عاليا حليم
ان شاء الله هتبقي صحفيه جامده جدا
بس وقتها ابقي افتكرينا ماشي احنا مهما كان هنبقي اصحاب مهنة واحده
حزب جنب الحيط
والله معاكي حق طنش تعيش واعمل نفسك مش من البلدي
منورانا يا عاليا
بوسى
من عمق الصدق
لا أجد ما أقوله
معك كل الحق
فى كل حرف
أرى كل من حولى يفعلون ذلك وارى نفسى أطورت
يا رب طلعنا منها على خير
السلام عليكم
تحفة يا بوسى الموضوع دا
بس اهو احنا اسلوب حياتنا كمان بقى غلط من الواقع اللى احنا فيه
بس لازم اننا نقاوم عشان نطور نفسنا ونغير ملامح الواقع دا
يعنى احنا نأثر فيه مش يأثر فيا
:)
وحشانى
السلام عليكم
وكل سنه وانت طيبه
ماشاء الله عليكى يابوسى
عندك حق
لايغير الله ما بقوم حتى يغيروا ما بانفسهم
وعدم وجود رموز مؤثره
وصعود اللصوص والاعلام
المبتذل زود العمليه
ربنا يصلح حالنا
وينور بصيرتنا
مواضيعك شيقه
تحياتى لك
هي اساسا الحياه بقت كده
الحياه غلط يبقي اكيد نظامنا احنا غلط
بس بجد ابدعتي في اختيار البوست
تحياتي ليكي
نفس الموضوع اللى بيشغل دماغى فى الفترة دى
بس فى حاجة برضوا بعتبرها السبب الرئيسى ورا كل دة
حالات الكسل والخمول واليائس اللى كلنا
عايشينها
دة السبب الرئيسى وراها اننا معندناش حلم يجمعنا
معندناش هدف قومى
معندناش نظرة بتشوف المستقبل منور
كل ما نحاول نبص للمستقبل
بنبصلة من ورا نضارة سودا
لو بصينا لتاريخنا هانلاقى
ان اكتر الفترات اللى المصريين كانوا فيها اقويا
هيا الفترات اللى كان بيجمعهم حلم مشترك
فى اكتوبر كان فى حلم
اتجمعنا حوالية فانتصرنا
وفى ثورة 19 كان فى حلم
واتجمعنا برضوا حوالية
عاوزك تبصى علينا احنا دلوقتى كمصريين
وتشوفى اية الحلم اللى ممكن نتجمع حوالية
متتعبيش نفسك وتبصى
صدقينى مش هاتلاقى
ولو لاقيتى هاتلاقيها
احلام صغيرة
عمرها ما ترتقى انها تبقى احلام شعب باكملة
تحياتى ليكى عالبوست الجميل دة
مالحق اية حكاية منى
انا كنت هاموت مالضحك او ما قريت الرد دة
عالعموم منى بخير
وبتسلم عليكى
ايه ده
جايه تعزينا في حالنا هيا ناقصة ما تسيبينا ساكتين هو حد طايق نفسه بس هنعمل ايه ربنا عالمفترى
بوسي
....
يعني هي مش يمين قوي ولا شمال قوي
بمعني ان وزاقعنا نتاج عوامل كثيرة
المؤامرة احداها والرضي بالمذلة اهمها
دمت بخير
ويجعلوعااااااااااااااااااامر
الواقع واااه من الواقع
للاسف الشديد هذه الايام تقدري تقولي هي احلك ايام بتعيشها الامه العربيه
يا سيدتي يكفي ان تجلسي ربع ساعه امام نشرات الاخبار لتشوفي قد ايه هذا الواقع مظلم وكئيب
اتمني ان يكون المستقبل كويس واتمني كمان ان نظرتنا المتشائمه لا تنسحب علي المستقبل
تحياتي لكي موضوعك جميل لكنه اثار واحيا حزننا وكأبتنا
يريت كل الناس بتفكر زيك كده
كنا اختلفنا في حجات كتير اووووي
في القلب
ازيك يا اوشا
وحشاني جدا
متشكره جدا علي كلامك
ويارب نطلع منها علي خير
بس هو الامل مفقود اننا نقدر نغير الواقع دا
ربنا يستر
البنوته الجميله حدوته
بجد وحشاني جدا
فكره اننا ناثر في الواقع ومنتاثرش بيه
انا في راي اننا نقدر نغيير الواقع
واكيد اي حد هيتاثر بالواقع اللي حواليه
المشكله في شكل التاثير
يعني بالنسبه لينا ممكن يكون شكل التاثير سلبي
حالات لامبالاه واحباط وياس
منوراني يا حدوته
kalemat
ازيك يا اميره
منوراني
للاسف يا اميره دا جزء من الواقعه المؤلم اللي بنعيشه
وكل شئ غلط بقي اسمه صح
ومعجتش بتفرق كتير عند ناس كتير
متشكره جدا علي مرورك يا قمر
شاب نفسه يحقق حلمه
شرفتني بزيارتك الدائمه لمدونتي
بصراحه مش الواقع والنظام هما بس اللي غلط
احنا كمان يا طارق جزء من الغلط دا
ويارب في يوم نقدر نكون صح
متشكره جدا وانا سعيده جدا ان البوست عجبك
مش فاهم حاجه
انا بجد اسفه جدا
بس اكيد انت متخيل ايه حصل
لعنه الله علي الجهاز بتاعي
انا اسفه ويارب متكونش زعلت
تسمحي اختلف معاك
حالات الكسل والخمول والياس دي كلها نتائج مش اسباب
اما فكره احلام قوميه
انا بجد ببقي سعيده جدا اما حد يتكلم عن القوميه العربيه والاحلام والقوميه اللي المفروض نشترك فيها
تعرف ليها لان الكلام عن القوميه العربيه علي جيلنا شئ غريب
بس تفتكر ان الحاله دي ممكن تولد اكبر حلم ممكن يجمعنا
لما نتجمع كلنا ورا هدف التغيير
اعتقد انك هتوافقني الراي في ان التغيير هدف كويس جدا يستاهل اننا نعيش علشانه
بس ميسن يسمع
دايما تعليقك بيسعدني منورني
وسلملي بقي علي مني
عبد الرحمن
انا هعتبر تعليقك دا هجوم علي راي
عبد الرحمن اذا موجهناش نفسنا بالواقع دا وحالنا دا
عمرنا ما هنتغير وبعدين انا لو هعزي حد حعزي نفسي لاني جزء من الغلط وجزء من السلبيه
بس الفكره ان الواقع دا لازم نبتدي نغيره
بس فكره التغيير اصلا اتلغت من قاموسنا من زمان
منورنا يا عبد الرحمن
سمسم
انا سعيده جدا بزيارتك
من حوالي تلات شهور مدخلتش مدونتي
بالنسبه بقي لفكره ان الموامره دي من العوامل اللي خلت الواقع بالشكل دا
لو دا صح تفتكر ايه بقي الحل
احنا عرفنا السبب
ايه ممكن يكون الحل
ويجعلوا عامر
wahed
الواقع مش محتاج نشرة اخبار علشان نعرفه
لاسف انا كل واحد فينا عارف الواقع دا وعايشه وشايف بعنيه
ومفيش جديد برده
بقولك احنا وصلنا للمرحله اللي بعد الامبالاه لو تعرف اسم المرحله دي قولي عليها
بس لازم تتفائل
الواقع الحمد لله سود المستقبل
يكفي انك تسال اي حد في الكليه اايه طموحك وانت تشوف اشراق المستقبل
منورانا يا واحد
السلام عليكم ورحمة الله وبركاته
وفي الوقت الذي يعرف كلا منا هذا الواقع وهذه الحقائق المؤلمة التي تملآ حياتنا تجدنا نهرب من هذا الواقع نهرب بالضحك احياننا وكأننا نمثل دورا لشخص فاقد الوعي
................
جميل تحياتى لك
محمود علي
اعتقد انك اكتر واحد تقدر تعبر عن الواقع دا بسبب حاله الاكتئاب اللي عندك
انا سعيده جدا لكلامك بس الاختلاف هيكون للاحسن ولا للاسوء
اتمني ان الواقع دا يجي يوم ويتغير
ويتغير بايدينا
منورني
يوسف المصري
وعليكم السلام ورحمة الله وبركاته
اشكرك علي مرورك
وتعليقك دا شرف ليا
ربنا يوفقك
الجميل اننا منستسلمش للواقع الي احنا فيه يا بوسي
ونحاول نغير من نفسنا وطريقتنا دايما
ربنا يبارك فيكي يا قمر
وبجد وحشاني يا جميله
كل سنه وانتي بالف صحه وخير وزسعاده يا قمر
بعد السلام
معلهش فى السؤال
بس البوست بتاعك رقم 4
تاج وتاج
الصورة الى فيه من راس البر؟؟؟؟
صح؟
عاوز رد بس عندى اوك
سلام يا جميلة
الجميلة جهينه
ازيك يا جي جي عامله ايه
وحشاني جدا جدا
كل سنه واتي طيبه
منورانا
بتاع العسل
منورانا
فعلا دي صوره من راس البر
بلدي بقي لازم يكون في انتماء ليها
منورانا
واكيد هنشوفك دايما
السلام عليكم ورحمة الله وبركاته
طبعا نقدر نغير يا بوسى طالما حددنا الغلط وحاصرناه يبقى اكيد عندنا القدره على التخلص منه
وفى حكمه بتقول اذا انتصر الباطل فقد غاب أهل الحق
والسلام عليكم ورحمة الله وبركاته
ايه فينك
مش باينة ليه
يا رب تكوني بخير
تحياتي ليكي وكل سنه وانتي طيبة
السلام عليكم
جميل أن نغوص في أعماق المجتمع ونخرج بدرة الغواص (الحكمة والقول المؤثر) لكن الأجمل أن تتحد ذواتنا مع ما يحدث إذ كيف نحذر من الغرق دون أن نأتي بمثال لسفينة حطمتها الرياح أو رغبة الحصول على أموال التأمين
بحرك هادئ لكنه ذلك الذي يسبق العاصفة وربما تصل سفينتك يوما ما
مؤمنه
حمدلله علي السلامه يا حبيبة قلبي
كنت ضايعه من غيرك
المهم منوراني والله خصوصا ان دي الزياره التانيه للبوست دا
وفعلا رايك عجبني جدا ومقتنعه بيه
مش هختلف معاكي المرة دي
يارب يوفقك دايما ويخليكي ليا يا احلي اخت في الدنيا
شاب نفسه يحقق حلمه
طارق ربنا يخليك يا رب
مش مختفيه ولا حاجه
بس هو حالات كسل ولا مبالاه يظهر اتعديت من البوست
المهم منورني ومتشكره جدا لسؤالك دا
وياريت نشوفك عندنا دايما
وبعدين تعالي هنا قلي فين الجديد اللي عندك
انا عايزه اقري ليك الجديد
منورنا
س . حلم لا ينتهي
بجد انا بحييك
تعليقك دا انا بعتز بيه جدا
ومش تعليق دا دا بوست لوحده
وسعيده جدا بوجودك هنا ويارب اشوفك دايما
وممكن اسال سؤال
مين
س
منورني ويارب اشوفك دايما هنا
اما اذا نظرنا لمعتقداتنا فنجد اننا في سبيل الهروب من هذا الواقع المؤلم نعتقد اعتقدات معينه ونؤمن بصدقها
نؤمن بنظرية المؤامرة وان كل ما يحدث لنا هو من تدبير الاخرين والذين يريدوا ان ينالوا منا
---------------------
صح يا بوسي
ديما بندور علي شماعة نعلق عليها اخطأنا...ونتهم الغير بانه دائما السبب
الموضوع جميل وصدمة تفوقنا من حجات كتير
كعادتك دوما يا بوسي...تفوقتي علي نفسك
دمتي في خير اختي الكريمة
هنقول ايه بقى يا بوسى غير ربنا يهدينا
البوست جميل
تحياتى ليكى
موضوع جميل و رؤيه جميله
أحنا فعلا أول حاجه بنفكر فيها نظريه المؤامره
مش بنفكر فى الواقع بتاعنا بنهرب نهرب لحد اما نتصدم فى لحظه نفوق على الوقع
والدنيا كلها تناقض أحنا نفسنا جوه كل واحد فينا تناقضات كتير
بس لازم كل واحد فينا يفهم اللى جواه ويواجه الواقع علشان يقدر يواجه الحياه والدنيا
تحياتى ليكى
نعيش نحن في عالم موازي لا يمت بصلة للحقيقة نبحث عن المثالية و نخرق قوانينها بأنفسنا نكره من يواجهنا بالحقيقة المرة ونكره صخرة الواقع التي تهدم كل جميل .فنحن أشباح سكارى في ظل ضمائرنا المنبطحة و قيمنا المتغيره على أهوائنا
السلام عليكم ورحمة الله وبركاته
ايه كل التأخير دى
ما حبكيش تتأخرى علينا كتير كده
وجودك بينورلى الدنيا
ترجعى بالسلامه ان شاء الله
وابداع جديد
دومتى بخير صديقتى الغاليه والقريبه الى قلبى
والسلام عليكم ورحمة الله وبركاته
الجميلة بوسى
والله بعدى كل يوم
مستنى الجديد بفارغ الصبر
والا هاعمل تفجير انتحارى فى المدونة
وانسبة لتنظيم القاعدة فى بلاد الكيت كات
الراقص مع الذئاب
حمدلله علي السلامه يا محمد وكل سنه وانت طيب
ورمضان كريم
ربنا يخليك علي كلامك دا انا بعتز جدا بتعليقك عندي
شمعة امل
منوراني يا بيرو
ربنا يخليكي يا قمر
فعلا ربنا يهدينا
سلام يا قمر
حياة الاحلام
مش عارفه ليه من اول ما دخلت مدونتك وقريت البوستات بتاعتك وانا حاسه في كلامك بالبراءة يمكن علشان بتحبي الاطفال
بعد كده نسميكي براءة الاحلام
ماشي
انا فعلا متفقه معاكي بس التناقض اللي جوانا واللي في الدنيا شئ طبيعي
انتي منوراني يارب اشوفك دايما
max.adam
يا قد ايه تعليقك عجبني ولان كلامك فيه فسلفه تانيه
انت معاك حق
كل واحد فينا بيدور علي المثاليه
واحنا اول ناس بنموتها جوانا وفي دنيتنا
ياريت بقي متغبش تاني وتحرمنا من تعليقاتك الجميله
مؤمنه
يارب يخليكي ليا
انا برده بقول شمس التديون كانت غايبه ورجعت تاني
يلا ربنا ما يحرمكوا مني
انا اسفه علي تاخيري بس الجو هناك عجبني اوي
في مفراقات كتيره حصلت لازم ابلغك بيها
الي لقاء قريب ان شاء الله
سلام يا حبيبة قلبي
مش فاهم حاجه
الا التفجيرات متقلبش علينا امريكا
انت ناسي ان الميعاد قرب
يلا ربنا يستر
بس انا مش ناويه انزل بجديد كل سنه وانت طيب رمضان بقي وكده الجديد ممكن انزله بعد رمضان
يعني انا هنزل بوست رمضان وبعدها نتفرغ للشهر الكريم حيث العزايم والعزومات
وبعد رمضان ننزل بقي بالجديد
انا نفسي اعرف كنت كاتب ايه في التعليق ومسحته ليه
الاقوام علي مر الازمان كانوا بيرفضوا
ينساقون الي اهواء انفسهم
الا من رحم ربي
كل عام وانتي بخير
رمضان كريم
بعد السلام
كل سنة وانتى طيبة
بس
يا ترى ادعيلك فى التراويح ولا التهجد
ولا...
باى
كراكيب عادل
حمدلله علي السلامه
ايه الغيبه دي ولا الطريق للمجونه بتاعتي صعب ولا ايه
والله المدونه بتنور بوجودك فبلاش تتاخر علينا تاني
ومتشكره جدا علي تعليقك وكل سنه وانت طيب ورمضان كريم
بتاع العسل
ايه دا هو نظام دمياطه وبخل ولا ايه
يا عم دا احنا دمايطه زي بعض
ادعيلي في اي وقت او في كل وقت
المهم تدعي بضمير
وركز مع كلمه ضمير دي
وبلاش بقي بخل الدمياطه دا
والله منورنا وببقي سعيده جدا اما تيجي المدونه
ربنا يوفقك يارب
إرسال تعليق